سابق سری لنکن آف اسپنر سینانائیکے میچ فکسنگ کے الزام میں گرفتار

کرک انفو کے مطابق سچیتھرا سینانائیکے پر 2020 میں لنکا پریمیئر لیگ( ایل پی ایل) میں کھلاڑیوں کو میچ فکسنگ پر اکسانے کا الزام ہے۔میڈیا رپورٹ میں بتایا گیا کہ سینانائیکے خود اس وقت لنکا پریمیئر لیگ کا حصہ نہیں تھے،ان پر الزام ہے کہ انہوں نے ایل پی ایل میں حصہ لینے والے ایک سے زیادہ کھلاڑیوں سے میچ فکسنگ کے لیے رابطہ کیا۔ بعد ازاں یہ معلومات مبینہ طور پر ٹورنامنٹ کے اینٹی کرپشن یونٹ کے افسران تک پہنچائی گئیں اور پھر کرکٹر کے خلاف کارروائی شروع کی گئی۔’میچ فکسنگ’ میں ملوث امارات کے کرکٹرز کو سزا سنا دی گئی۔میڈیا رپورٹ کےمطابق الزامات کی تحقیقات شروع ہونے کے بعد گزشتہ ماہ عدالت نے سینانائیکے پر سفری پابندی بھی عائد کر دی تھی، تاہم بدھ کو سری لنکن پولیس نے سابق آف اسپنر کو گرفتار کرلیا۔سری لنکن پولیس کے مطابق سینانائیکے کو 24 گھنٹوں میں عدالت میں پیش کیا جائے گا۔38 سالہ سینانائیکے نے سری لنکا کی جانب سے ایک ٹیسٹ، 49 ون ڈے اور 24 ٹی ٹوئنٹی میچز کھیلے۔