ایل جی سنہا نے 19ویں ایشیائی کھیلوں کے لیے ہندوستانی ووشو ٹیم کے کھلاڑیوں  سے بات چیت کی

 سرینگر/  جموںو کشمیر  کے لیفٹیننٹ گورنر جناب منوج سنہا نے آج راج بھون میں 19ویں ایشیائی کھیلوں کے لیے ہندوستانی ووشو ٹیم کے کھلاڑیوں اور ان کے کوچز کے ساتھ بات چیت کی۔لیفٹیننٹ گورنر نے سری نگر میں تربیتی کیمپ میں شرکت کرنے والے کھلاڑیوں کو پورے جموں و کشمیر یو ٹی کی طرف سے اپنی نیک تمناؤں اور آشیرواد کا اظہار کیا۔لیفٹیننٹ گورنر نے کہا، "مجھے یقین ہے کہ ہمارا دستہ اعزاز حاصل کرے گا اور ملک کا سر فخر سے بلند کرے گا۔”ووشو کھلاڑی سری نگر میں نیشنل کوچنگ کیمپ میں شرکت کر رہے ہیں جس کا اہتمام اسپورٹس اتھارٹی آف انڈیا، نوجوانوں کے امور اور کھیل کی وزارت نے کیا تھا جس کے بعد وہ 5 اگست 2023 کو چین روانہ ہوں گے۔