جنوری 2022 میں ملک کی مشترکہ برآمدات 36 فیصد بڑھ کر 61.41 ارب ڈالر

نئی دہلی(یو این آئی) ملک کی کل اشیاءاور خدمات کی برآمدات جنوری 2022 میں 61.41 ارب ڈالرہونے کا اندازہ ہے ، جو گزشتہ سال کی اسی مدت کے مقابلے میں 36.76 فیصد زیادہ ہے ۔وزارت تجارت اور صنعت کی طرف سے منگل کو جاری کردہ ریلیز کے مطابق جنوری 2020 کے مقابلے میں جنوری 2022 کی مشترکہ برآمدات میں 38.90 فیصد کا مثبت اضافہ ہوا ہے ۔اسی طرح، جنوری 2022 کے لیے اشیا اور خدمات کی درآمدات 67.76 ارب ڈالر رہی، جو ایک سال پہلے اسی دوران درآمدات کے مقابلے میں 30.54 فیصداور جنوری 2020 کے مقابلے میں 30.19 فیصد زیادہ ہے ۔