مرکزی وزیر زراعت  شیوراج سنگھ چوہان نے زرعی اسکیموں اور پروگراموں کا جائزہ لیا

 نئی دلی/مرکزی وزیر برائے زراعت کسانوں کی بہبود اور دیہی ترقیات جناب شیوراج سنگھ چوہان نے آج وزارت زراعت کے سینئر افسران کے ساتھ زراعت کے مسائل پر جائزہ میٹنگ کی۔ ریویو میٹنگ میں ربیع کی بوائی کی پیش رفت، موسمی حالات، نیشنل پیسٹ سرویلنس سسٹم (NPSS) کے ذریعے کیڑوں کی نگرانی، زرعی مصنوعات کی مارکیٹنگ سمیت پیداوار کی درآمد اور برآمد سے متعلق کئی امور زیر غور آئے۔مرکزی وزیر نے کہا کہ وہ خود فارم کے مسائل پر ہفتہ وار میٹنگ کرنے کے علاوہ، وہ وقتاً فوقتاً ریاستی حکومتوں کے ساتھ وزرائے زراعت کی سطح پر میٹنگیں بھی کریں گے۔ وہ  چاہتے تھے کہ  عہدیدار بھی ان مسائل پر ریاستی حکومتوں کے ساتھ مستقل طور پر مشغول رہیں، کیونکہ زمینی سطح پر مسائل کو حل کرنے کے لیے ریاستی حکومتوں کے عہدیداروں کی شمولیت کی ضرورت ہوگی۔17 جنوری 2025 تک بویا گیا کل رقبہ 640 لاکھ ہیکٹر ہے جو گزشتہ سال کی اسی مدت میں 637.49 لاکھ ہیکٹر کے مقابلے میں 2.51 لاکھ ہیکٹر زیادہ ہے۔ فصل کی مجموعی کوریج اور فصل کی حالت پچھلے سال سے بہتر ہے۔ ربیع ٹماٹر، پیاز اور آلو (ٹاپ( کی بوائی جاری ہے اور موجودہ سال کی ٹاپ فصلوں کی بوائی پچھلے سال کی اسی مدت سے زیادہ ہے۔گندم (0.46%)، سرسوں (0.14%)، سویا بین (0.25%) کی منڈی قیمتوں میں ہفتے کے روز اضافہ ہوا ہے۔ جبکہ ارہر (1.22%)، چاول (1.20%) چنے (0.67%)، آلو (6.34%) اور ٹماٹر (6.79%) میں ہفتہ وار کمی واقع ہوئی ہے۔فی الحال مارکیٹ میں گیہوں، چاول، چنے، سرسوں اور تل کی قیمت کم از کم امدادی قیمت (MSP) سے زیادہ ہو رہی ہے۔