ہندوستان کی معیشت کےلئے نریندر مودی ’اسپیڈ بریکر‘

ترقی کی جو رفتار یو پی اے حکومت کے دوران حاصل تھی، وزیر اعظم کی قیادت والی حکومت اس رفتار میں رکاوٹ بن گئی: راہل گاندھی
نئی دہلی، 02 مارچ (یو این آئی) کانگریس لیڈر راہل گاندھی نے کہا ہے کہ ملک نے ترقی کی جو رفتار متحدہ ترقی پسند اتحاد (یو پی اے ) حکومت کے دوران حاصل کی تھی، وزیر اعظم نریندر مودی کی قیادت والی حکومت اس رفتار میں رکاوٹ بنی ہے ۔انہوں نے کہا کہ کانگریس کی قیادت والی حکومت نے غریبوں کو مضبوطی فراہم کرکے ملک کو ترقی کی راہ دکھائی لیکن مودی کی قیادت والی بی جے پی حکومت صرف اپنے دوستوں کے مفادات کی خدمت کر رہی ہے ۔مسٹر گاندھی نے کہا، "یو پی اے حکومت میں تیزی سے آگے بڑھتی ہندوستان کی معیشت کے لئے نریندر مودی ‘اسپیڈ بریکر’ بن گئے ہیں۔ کانگریس نے غریبوں کو بااختیار بنا کر ترقی کی رفتار تیز کی، جب کہ مسٹر مودی چند دوستوں کے فائدے کے لیے ملک کو کھوکھلا کر رہے ہیں۔ملک کی مسلسل ترقی میں پالیسیوں کو اہمیت دینے کی ضرورت پر زور دیتے ہوئے انہوں نے کہا کہ “پالیسیوں میں ہم وطنوں کو سب سے آگے رکھے بغیر ملک کی ترقی ناممکن ہے ۔ بی جے پی حکومت اقتصادی محاذ پر کانگریس کے آس -پاس بھی نہیں ہے ۔ اعداد و شمار اس کی گواہی دے رہے ہیں۔”