ایک ہی دن میں 148مریضوں کے ٹسٹ مثبت ، کووڈ کے فعال کیسوں کی تعداد 808تک پہنچی
سرینگر/09دسمبر //ملک میں کووڈ 19کے معاملات میں پھر سے اضافہ ہورہا ہے اور صرف ایک ہی دن میں کوروناوائرس کے 148نئے معاملات سامنے آئے ہیں اور اس وقت ملک بھر میں 808فعال کیس ہے ۔ وائس آف انڈیا کے مطابق بھارت میں کوروناوائرس کے معاملات پھر سے سامنے آرہے ہیں اور ملک میں ایک ہی دن میں 148 نئے COVID-19 انفیکشن میں اضافہ دیکھا گیا، جبکہ فعال کیسز کی تعداد بڑھ کر 808 ہو گئی ہے، مرکزی وزارت صحت کے اعداد و شمار کے مطابق ہفتہ کو اپ ڈیٹ کیا گیا ہے۔اپ ڈیٹ کیے گئے اعداد و شمار کے مطابق، ملک میں COVID-19 کیسز کی تعداد 4.50 کروڑ (4,50,02,889) ہے اور مرنے والوں کی تعداد 5,33,306 ہے۔اس بیماری سے صحت یاب ہونے والوں کی تعداد بڑھ کر 4,44,68,775 ہو گئی ہے اور قومی صحت یابی کی شرح 98.81 فیصد ہے۔کیس میں اموات کی شرح 1.19 فیصد ہے۔وزارت کی ویب سائٹ کے مطابق ملک میں اب تک COVID-19 ویکسین کی 220.67 کروڑ خوراکیں دی جا چکی ہیں۔اس دوران وزارت صحت نے اپنے ایک پیغام میں کہا ہے کہ کوروناوائرس کے معاملات پھر سے سامنے آنے کا معاملہ کوئی نیا نہیں ہے اور سردیوں میں یہ وائرس پھر سے ایکٹ ویٹ ہوجاتا ہے تاہم اب یہ زیادہ مہلک ثابت نہیں ہوسکتا ہے۔ انہوں نے بتایا کہ صورتحال تشویشناک نہیں ہے اور یہ معمول کے اعدادو شمار ہے ۔ انہوںنے شہریوں سے اپیل کی ہے وہ احتیاط ضرور برتیں اور پہلے سے جاری کر دہ کووڈ ایس او پیز پر فالو کریں۔
