ملک میں کورونا انفیکشن کے معاملوں میں کمی

صحت یاب ہونے والوں کی تعداد میں اضافہ ہورہا ہے
نئی دہلی، 24 اکتوبر (یو این آئی) ملک میں گزشتہ 24 گھنٹوں میں کورونا وائرس کے 1334 نئے معاملے سامنے آنے کے ساتھ ہی متاثرین کی مجموعی تعداد بڑھ کر چار کروڑ 46 لاکھ 44 ہزار 076 ہو گئی ہے ۔ گزشتہ چند دنوں سے ملک میں متاثرہ کیسز اور اموات کی شرح میں کمی آرہی ہے اور صحت یاب ہونے والوں کی تعداد میں اضافہ ہورہا ہے ۔ صحت اور خاندانی بہبود کی مرکزی وزارت نے پیر کو کہا کہ صبح 7 بجے تک 219 کروڑ 56 لاکھ سے زیادہ ویکسین دی گئی ہیں۔ گزشتہ 24 گھنٹوں کے دوران ملک میں 1557 افراد کووڈ-19 انفیکشن سے صحت ہاب ہو گئے ہیں جس کی وجہ سے کورونا سے صحت یاب ہونے والوں کی کل تعداد 4,40,91,906 ہو گئی ہے اور صحت کی شرح 98.76 فیصد ہے ۔ وزارت نے بتایا کہ گزشتہ 24 گھنٹوں کے دوران کورونا وبا سے چار مریضوں کی موت ہوئی ہے جس کے بعد اموات کی تعداد 5,28,977 تک پہنچ گئی ہے ۔ شرح اموات 1.18 فیصد ہے ۔ گزشتہ 24 گھنٹوں میں جہاں 10 ریاستوں اور مرکز کے زیر انتظام علاقوں میں کورونا انفیکشن کے ایکٹیو کیسز بڑھے ہیں، وہیں باقی ریاستوں/مرکز کے زیر انتظام علاقوں میں ان کے کیسز کم ہوئے ہیں۔ دریں اثنا، کیرالہ میں بھی 120 ایکٹیو کیسز کم ہونے سے ان کی تعداد 3,885 پر آ گئی ہے ۔ اس وبا سے چھٹکارا پانے والوں کی کل تعداد 67,44,574 تک پہنچ گئی ہے اور مرنے والوں کی تعداد 71,354 ہے ۔ قومی راجدھانی میں بھی تین زیر علاج معاملوں کی کمی کے ساتھ زیر علاج کی کل تعداد 423 ہوگئی ہے ۔ اس وبا سے چھٹکارا پانے والوں کی کل تعداد 1978693 ہو گئی ہے اور مرنے والوں کی تعداد 26,507 پر مستحکم ہے ۔مغربی بنگال میں کورونا وبا کے فعال کیسوں کی تعداد 49 کم ہو کر 1,351 پر آ گئی ہے اور اس وبا سے صحت یاب ہونے والوں کی کل تعداد 20,94,823 ہو گئی ہے اور مرنے والوں کی تعداد 21,527 ہے ۔
گجرات میں گزشتہ 24 گھنٹوں میں 33 فعال کیسز کے ساتھ کل تعداد بڑھ کر 598 ہو گئی ہے ۔ اس وبا سے صحت یاب ہونے والوں کی کل تعداد 12,64,895 ہے اور مرنے والوں کی تعداد 11,038 پر مستحکم ہے ۔