ضرورت مندوں کی زندگیوں میں خوشیاں لانے کی کوشش کرنے کی اپیل
نئی دہلی، 24 اکتوبر (یو این آئی) صدر دروپدی مرمو اور وزیر اعظم نریندر مودی نے پیر کو روشنیوں کے تہوار پر ہم وطنوں کو دیوالی کی مبارکباد اور نیک خواہشات پیش کیں۔ محترمہ مرمو نے ٹویٹ کیا، کہ تمام ہم وطنوں کو دیوالی کی دلی مبارکباد۔ روشنی اور خوشی کے اس مقدس تہوار پر آئیے علم اور توانائی کے دیئے جلا کر ضرورت مندوں کی زندگیوں میں خوشیاں لانے کی کوشش کریں۔ میں اس تہوار پر تمام ہم وطنوں کی زندگیوں میں خوشی اور خوشحالی کےلئے دعا گوہوں۔
مسٹر مودی نے ٹویٹ کے ذریعہ کہا، "تمام باشندگان وطن کو دیوالی کی نیک خواہشات۔ دیوالی روشنیوں کا تہوار ہے ۔ دعا ہے کہ یہ مقدس تہوار ہر ایک کی زندگی میں خوشیاں، خوشحالی اور اچھی صحت لائے ۔ مجھے امید ہے کہ آپ کی دیوالی فیملی اور دوستوں کے ساتھ شاندار گزرے گی۔نائب صدر جگدیپ دھنکھڑ نے بھی ہم وطنوں کو دیوالی کی مبارکباد دی ہے ۔ انہوں نے ٹویٹ کرتے ہوئے کہا، "دیوالی کی بہت بہت مبارکباد! روشنی کا یہ تہوار ہماری زندگیوں میں حکمت، نیکی اور خوشحالی لائے ۔ جگمگاتے ہوئے دیوں کی چمک ہمارے ملک کو امید، خوشی، صحت اور ہم آہنگی سے روشن کرے ۔ وزیر دفاع راج ناتھ سنگھ نے دیوالی کے موقع پر ہم وطنوں کو نیک خواہشات کا اظہار کیا ہے ۔ مسٹر سنگھ نے ٹویٹ کیا، "آپ سب کو دیوالی کی نیک خواہشات۔ خداسے دعا ہے کہ یہ مقدس تہوار آپ کی زندگی میں خوشیاں، خوشحالی اور صحت لائے ۔ دیوالی مبارک۔
