گاندربل میں آتشزدگی،2مکان خاکستر

پولیس نے آگ لگنے کی وجوہات جاننے کی خاطر مقدمہ درج کیا
وسطی ضلع گاندربل کے رامواری گنڈ علاقے میں آگ کی ایک ہولناک واردات میں2 رہائشی مکان راکھ کے ڈھیر میں تبدیل ہو گئے ہیں۔آگ کی اس واردات میں لاکھوں روپے مالیت کا گھریلو سامان خاکستر ہو گیا ہے۔اطلاعات کے مطابق وسطی ضلع گاندربل کے رامواری گنڈ کنگن میں گلزار احمد خان کے رہائشی مکان میں اچانک آگ نمودار ہو گئی، جس نے اچانک دوسرے رہائشی مکان کو بھی اپنی لپیٹ میں لے لیا جس کی وجہ سے دونوں مکان مکمل طور پر خاکستر ہوگئے ہیں جبکہ رہائشی مکان میں لاکھوں روپے مالیت کا گھریلو سامان بھی خاکستر ہوگیا ہے۔آگ لگنے کی وجوہات جاننے کی خاطر پولیس نے کیس درج کرکے مزید تحقیقات شروع کی۔