راجوری میں ’ایل او سی‘ پر دراندازی کی کوشش ناکام2جنگجوﺅں کی ہلاکت کا دعویٰ

اس طرح کا دوسرا واقع گزشتہ روز ایک اور درانداز کو گولی مار کر زخمی کیا گیا تھا
سرینگر/23اگست///نوشہرہ سیکٹر میں محض 36گھنٹوں میں دوسری مرتبہ دراندازی کی کوشش کو ناکام بناتے ہوئے فوج نے 2جنگجوﺅں کو ہلاک کرنے کا دعویٰ کیا ہے جن کے بارے میں بتایا گیا کہ وہ دراندازی کی کوشش کررہے تھے۔ اس سے پہلے گزشتہ روز نوشہرہ میں ہی ایک اور درانداز کو فو ج نے گولی مار کر زخمی کردیا تھا۔اطلاعات کے مطابق فوج نے جموں وکشمیر کے ضلع راجوری کے نوشہرہ علاقے میں لائن آف کنٹرول پر جنگجوو¿ں کی طرف سے در اندازی کرنے کی ایک کوشش کو ناکام بناتے ہوئے دو در اندازوں کو ہلاک کرنے کا دعویٰ کیا ہے۔سرکاری ذرائع نے بتایا کہ فوج نے نوشہرہ کے لام علاقے میں لائن آف کنٹرول پر گذشتہ شب جنگجوو¿ں کی طرف سے دراندازی کرنے کی ایک کوشش کو ناکام بنا دیا۔ انہوں نے کہا کہ ایل او سی پر تعینات فوج کی لام بٹالین کے اہلکاروں نے در اندازی ہوتے ہوئے دیکھتے ہی ان کو روکنے کی کارروائی شروع کی۔ان کا کہنا تھا کہ اس دوران دو در انداز مارے گئے جن کی لاشیں سرحد کے آگے پڑی ہوئی دیکھی گئیں۔ دریں اثنا ایک فوجی ترجمان نے اپنے ایک بیان میں کہا کہ فوج نے ایل او سی پر در اندازی کی ایک کوشش کو ناکام بنادیا۔ بیان میں کہا گیاکاڈ کاپٹر کے ذریعے دو لاشیں دیھی گئیں اور علاقے کی مزید جانچ کی جا رہی ہے‘۔اس سے پہلے گزشتہ روز نوشہرہ میں ہی ایک درانداز کو فوج نے گولی مار کر زخمی کرنے کا دعویٰ کیا تھا جس کو بعدمیں فوج نے ہی ہسپتال پہنچایا تھا۔