صابر باباآستان عالیہ صفاکدل کو آگ کی واردات میں نقصان

شہر سرینگر کے وانی یار صفاکدل میں واقع صابر بابا آستان عالیہ میں آگ کی واردات رونماءہوئی جس کے نتیجے میں آستان عالیہ کو کافی نقصان پہنچا ہے ۔ صابر بابا آستان عالیہ جو کہ صفاکدل سرینگر میں واقع ہے میں آج صبح آگ کی ایک واردات رونماءہوئی ۔ ذرائع نے بتایا کہ وانی یار صفاکدل میں مواقع آستان کو آگ کی واردات میں کافی نقصان پہنچا ہے جبکہ آستان میں موجود قیمتی کتابیں اور دیگر چیزیں بھی تباہ ہوچکی ہیں ۔ اس دوران معلوم ہوا ہے کہ آگ شارٹ سرکٹ کی وجہ سے لگی ہے ۔ آگ نمودار ہونے کے فورا بعد پولیس اور جائر اینڈ ایمرجنسی علاقے میںپہنچی جنہوںنے آگ پر قابو پالیا اور اسے مزید پھیلنے سے روکا ۔