جموں و کشمیر میں 2017 سے اب تک 28 غیر ریاستی مزدور ہلاک

مہلوکین میں سے7کا تعلق بہار سے تھا: نتیا نند رائے
جموں و کشمیر میں 2017سے لے کر اب تک بہار کے 7غیر ریاستی مزدوروں سمیت 28غیر ریاستی مزدور ہلاک ہو ہے اس بات کی جانکاری حکومت نے منگل کو پارلیمنٹ میں دی ہے۔ لوک سبھا میں ایک سوال کے تحریری جواب میں، مرکزی وزیر نتیا نند رائے نے یہ بھی کہا کہ جموں اور کشمیر میں دہشت گردانہ حملوں کی تعداد میں کافی کمی آئی ہے ٬2018 میں 417 سے 2021 میں 229تک۔تاہم، وزیر نے کہا، سرحد پار سے سپانسر شدہ دہشت گردوں کے ذریعہ اقلیتی برادریوں سے تعلق رکھنے والے لوگوں اور تارکین وطن کارکنوں پر چند ہدفی حملے ہوئے ہیں”جموں و کشمیر کی حکومت کی طرف سے فراہم کردہ معلومات کے مطابق، 2017 سے اب تک 28 تارکین وطن مزدور مارے جا چکے ہیں، جن میں سے دو کا تعلق مہاراشٹر سے، ایک کا تعلق جھارکھنڈ سے اور سات کا بہار سے ہے۔”رائے نے کہا کہ حکومت نے اقلیتوں کی حفاظت کے لیے کئی اقدامات کیے ہیں، جن میں ایک مضبوط سیکورٹی اور انٹیلی جنس گرڈ، دن اور رات کے علاقے پر تسلط، گشت اور دہشت گردوں کے خلاف فعال کارروائیاں شامل ہیں۔