وزیر دفاع راجناتھ24 جولائی کو جموں کا دورہ کریں گے

جموں کشمیر میں پہلی بار 1947 سے اب تک کے مہلوک فورسز اہلکاروں کے لواحقین کو اعزاز سے نوازا جائے گا۔
ملک کی تاریخ میں پہلی بار سال 1947سے لیکر آج تک ڈیوٹی کے دوران ازجاں ہوئے سیکورٹی فورسز اہلکاروںکے لواحقین کو اعزاز سے نوازنے کیلئے وزیر دفاع راج ناتھ سنگھ اور راشٹریہ سویم سیوک سنگھ (آر ایس ایس) کے قومی جنرل سیکرٹری دتاتریہ ہوسابلے 24 جولائی کو ایک دن کے دورے پر جموں وارد ہونگے جس کے دوران وہ فوج، نیم فوجی دستوں اور جموں و کشمیر کے تمام مہلوک اہلکاروں کے اہل خانہ سے تعزیت کریں گے۔ مانیٹرنگ ڈیسک کے مطابق سال 1947کے بعد پہلی بار ایک تقریب سماجی تنظیم کی جانب سے جموں میں منعقد کی جا رہی ہے جس میں وزیر دفاع راجناتھ سنگھ بطور مہمان خصوصی شرکت کریں گے ۔ تقریب جموں و کشمیر پیپلز فورم (جے کے پی ایف) کی طرف سے منعقد کی جا رہی ہے، جو کہ بالواسطہ طور پر آر ایس ایس سے منسلک ہے اور جموں خطے سے بی جے پی کے سینئر رہنما اس تقریب میں موجود ہوں گے۔ پہلی بار ہے کہ جموں و کشمیر میں 1947 کے بعد تمام مہلوک اہلکاروں کے خاندانوں کو ایک تقریب میں اعزاز سے نوازا جائے گا۔ چاہے وہ فوج، سنٹرل آرمڈ پولیس فورس (سی اے پی ایف) یا جموں و کشمیر کے شہداءکے اہل خانہ ہوں، منتظمین نے ان تمام کی شناخت کی ہے جنہوں نے قوم اور جموں و کشمیر کی خاطر اپنی جانیں قربان کیں اور ان کی تعداد 2000 سے زیادہ ہے۔ ان سب کے لواحقین انہیں تقریب میں مدعو کیا گیا ہے اور انہیں اعزاز سے نوازا جائے گا۔معلوم ہوا ہے کہ تقریب کا انعقاد گلشن گراو¿نڈ میں کیا جا رہا ہے۔ تقریب کے تمام انتظامات کو حتمی شکل دے دی گئی ہے۔اس بارے میں کہ آیا وزیر دفاع اپنے دورے کے دوران جموں و کشمیر اور لائن آف کنٹرول (ایل او سی) کی سیکورٹی صورتحال کا جائزہ لیں گے، ذرائع نے بتایا کہ اگلے دو دنوں میں چیزیں واضح ہو جائیں گی۔