وزیر تعلیم سکینہ ایتو نے آج گورنمنٹ ہائر سیکنڈری سکول ڈی کے مرگ میں نئے سائنس بلاک کا افتتاح کیا اور پیرنٹس-ٹیچرز میٹنگ میں شرکت کی۔

اس موقع پر انہوں نے کہا کہ حکومت معیاری تعلیم کی فراہمی اور سکولوں کے بنیادی ڈھانچے کو بہتر بنانے کے لیے پُرعزم ہے۔
انہوں نے طلباء کی صلاحیتوں کو نکھارنے کے لیے بہتر تعلیمی ماحول، جدید سہولیات، اور مساوی مواقع کی فراہمی پر زور دیا۔
وزیر موصوفہ نے کہا کہ ڈی ایچ پورہ، اہربل، کونگ وٹن اور دیگر سیاحتی علاقوں کی ترقی کے لیے نوجوانوں کو سیاحت سے متعلق شعبوں میں تربیت دی جائے گی۔
اس موقع پر انہوں نے نیٹ میں کامیاب طالب علم اور ایک ایتھلیٹ کو اعزازات سے بھی نوازا، جبکہ خصوصی بچوں میں امدادی سامان تقسیم کیا