مختلف حادثات کے دوران پولیس اہلکار سمیت 3ہلاک

قاضی گنڈ حادثے میں 30یاتری زخمی
بجبہاڑہ میں ٹریفک کا المناک حادثہ پولیس اہلکار از جان ، ساتھی زخمی ، قاضی گنڈ حادثے میں 30کے قریب یاتری زخمی جبکہ ریاسی میںمٹی کے تودے کی زد میں آنے سے باپ بیٹے کی موت ۔اطلاعات کے مطابق زر پارہ بجبہاڑہ میں جمعرات کی صبح اُس وقت سنسنی اور خوف ودہشت کا ماحول پھیل گیا جب لوڈ کیئریر اور موٹر سائیکل کے درمیان زور دار ٹکر ہوئی جس نتیجے میں آف ڈیوٹی دو پولیس اہلکار شدید طورپر زخمی ہوئے اگر چہ دونوں کو ہسپتال لے جایا گیا تاہم وہاں پر تعینات ڈاکتروں نے طاریق احمد آہنگر نامی پولیس اہلکار کو مردہ قرار دیا جبکہ زخمی اہلکار کی پہچان اشفاق احمد کے بطور ہوئی ہے۔ پولیس نے قانونی لوازمات پورے کرنے کے بعد میت وارثین کے حوالے کی۔ ادھر بدرا گنڈ قاضی گنڈ میں جمعرات کو ڈمپر اور یاتریوں کی ایک گاڑی کے درمیان ٹکر ہونے سے 30یاتری زخمی ہوئے جن میں سے 27کو ابتدائی مرہم پٹی کے بعد رخصت کیا گیا جبکہ تین کا علاج ومعالجہ چل رہا ہے۔ علاوہ ازیں جموں وکشمیر کے ضلع ریاسی کے ایک دور افتادہ گاو¿ں میں مٹی کے تودے کی زد میں آنے سے باپ بیٹے کی موت واقع ہوگئی۔سرکاری ذرائع نے بتایا کہ ریاسی کے تھلو کلڈ ارناس علاقے میں باپ بیٹا بدھ کی شام گھر جا رہے تھے کہ وہ بھاری بارشوں کی وجہ سے کھسکنے والے ایک بھاری بھرکم مٹی کے تودے کے نیچے دب گئے۔انہوں نے کہا کہ گرچہ مقامی لوگوں نے دونوں کو مٹی کے ملبے سے باہر نکالا لیکن ان کی موت واقع ہوئی تھی۔متوفین کی شناخت65 سالہ محمد شفیع اور اس کا بیٹا 30 سالہ عبدالرشید کے بطور ہوئی ہے۔مذکورہ ذرائع نے بتایا کہ دونوں کو طبی و قانونی لوزامات کی ادائیگی کے بعد سپرد خاک کیا گیا۔