آذربائیجان آرمینیا کے ساتھ امن معاہدہ کرنے کیلئے تیار

ماسکو:19 مئی (یو این آئی/ اسپوتنک) آذربائیجان کے صدر الہام علییف نے کہا ہے کہ باکو یریوان کے ساتھ اپنے تعلقات کو معمول پر لانے کیلئے امن معاہدے پر دستخط کرنے کیلئے تیار ہے ۔ مسٹر علیئیف نے بدھ کو آذربائیجان-لیتھوانیا بزنس فورم کے موقع پر باکو میں لتھوانیا کے صدر گیتاناس نوسیدا سے ملاقات کی۔ اس دوران صدر نے کہاکہ یقیناً، ہم نے آذربائیجان اور آرمینیا کے درمیان معمول پر آنے کے عمل پر بات چیت کی ہے۔ میں جانتا ہوں کہ صدر (نوسیدا) آذربائیجان کے بعد آرمینیا کا دورہ کریں گے اسلئے مجھے یقین ہے کہ دونوں جگہوں کا دورہ کرنے کے بعد ان کی مکمل تصویر ہوگی، لیکن ہم ہاتھ ملانے کرنے کیلئے تیار ہیں۔ ہم آرمینیا کے ساتھ امن معاہدے پر دستخط کرنا چاہتے ہیں۔ ہم تعلقات کو معمول پر لانا چاہتے ہیں اور دشمنی کو دوستی میں بدلنا چاہتے ہیں۔ قابل ذکر ہے کہ آذربائیجان اور آرمینیا کے درمیان نگورنو کاراباخ کے علاقے میں ستمبر 2020 سے لڑائی جاری ہے ۔ اس لڑائی میں دونوں طرف سے ہزاروں لوگ اپنی جانیں گنوا چکے ہیں۔ اسی سال نومبر میں سوویت یونین نے طاقت کا استعمال کر کے معاملے کو ختم کرنے کی کوشش کی۔ اس دوران دونوں فریقوں نے جنگ بندی کی نگرانی کیلئے روسی فوجیوں کی تعیناتی پر اتفاق کیا تھا۔