پوتن طویل جنگ کی تیاری میںامریکی انٹیلی جنس نے خبردار کیا

واشنگٹن: ۱۱ مئی (یو این آئی) امریکی خفیہ ایجنسی نے خبردار کیا ہے کہ روسی صدر ولادیمیر پوٹن یوکرین میں طویل جنگ کی تیاری کر رہے ہیں۔ بی بی سی نے بدھ کو یہ اطلاع دی۔ نیشنل انٹیلی جنس ایجنسی کی ڈائریکٹر ایورل ہینس نے کہا کہ یوکرین کے مشرقی حصے میں روس کی فتح بھی ممکنہ طور پر تنازع ختم نہیں کر سکتی۔ مشرقی حصے میں شدید لڑائی جاری ہے، جہاں روس علاقے پر قبضہ کرنے کی کوشش کر رہا ہے۔ اطلاعات کے مطابق ماسکو نے اب اپنی توجہ ڈون باس کے علاقے پر قبضہ کرنے پر مرکوز کر دی ہے۔ محترمہ ہینس نے منگل کو امریکی سینیٹ کی ایک کمیٹی کی سماعتمیں کہاا کہ صدر پوتن اب بھی ڈان باس کے علاوہ دیگر مقاصد حاصل کرنے کا ارادہ رکھتے ہیں، لیکن وہ اپنے عزائم اور روس کی موجودہ روایتی فوجی صلاحیتوں کے درمیان ہم آہنگی پیدا کرنے سے قاصر رہے ہیں۔ انہوں نے کہا کہ روسی صدر غالباً یوکرین کے لیے امریکہ اور یورپی یونین کی حمایت پر بھروسہ کر رہے ہیں کیونکہ افراط زر، خوراک کی قلت اور توانائی کا نظام کافی خراب ہو گیا ہے۔ انہوں نے خبردار کیا کہ اس سے روسی صدر کو جنگ کو مزید آگے لے جانے کےلئے حوصلہ ملے گا۔