ملک کی سالمیت کے خلاف زور آزمائی کی گئی تو بھر پور انداز میں جواب دینے کیلئے اہل / راجنا تھ سنگھ
وزیر اعظم کی قیادت میں بین الاقوامی سطح پر ہندوستان کی شبیہ کو فائدہ پہنچا ، جو بھی بولتے ہیں،دنیا سنجیدگی سے سنتی ہے
ہندوستان نے اپنی سرزمین سے پوری دنیا کو امن کا پیغام دیا ہے کا دعویٰ کرتے ہوئے وزیر دفاع راجناتھ سنگھ نے کہا ہے کہ بھارتی کسی بھی ملک کے خلاف جارحیت کے عزائم نہیں رکھتا ہے تاہم اگر کوئی ہمارے ملک کی سالمیت کے خلاف سازشیں کرے گا یا زور آزمائی کرے گا تو ہماری فوج ہر قسم کی جارحیت کے خلاف بھر پور جواب دینے کےلئے تیار ہے ۔سی این آئی مانیٹرنگ کے مطابق نئی دلی میںایک کانفرنس سے خطاب کرتے ہوئے وزیر دفاع راج ناتھ سنگھ نے ہندوستان ایک ایسا ملک رہا ہے جس نے تاریخ میں کبھی ایک انچ زمین پر قبضہ نہیں کیا۔ بلکہ ہندوستان نے اپنی سرزمین سے پوری دنیا کو امن کا پیغام دیا ہے۔ ساتھ ہی انہوں نے کہا کہ اگر کوئی ہماری زمین کے ایک انچ ٹکڑے پر بھی قبضہ کرے گا تو فوج اسے نہیں چھوڑے گی۔ انہوںنے کہا کہ وزیر اعظم نریندر مودی کے وزیر اعظم بننے کے بعد شدت پسندی اور عسکریت پر لگام لگائی جا رہی ہے۔انہوںنے کہاکہ اوڑی اور پلوامہ حملوںکے بعد تشددکے واقعات کے بعد بی جے پی حکومت نے جو کچھ کیا ہے اس کی نہ صرف ہندوستان بلکہ دنیا بھر میں بحث ہو رہی ہے۔ بی جے پی کی حکومت آنے کے بعد وزیر اعظم مودی کی قیادت میں ملک کی فوج مضبوط ہوئی ہے۔ اسی طرح کارکنوں کی وجہ سے بی جے پی ملک کی سب سے مضبوط پارٹی بن گئی ہے۔بی جے پی اپنے منشور کے تمام وعدوں کو پورا کرتی ہے اور ایسا کرکے بھی دیکھا گیا جس کی مثال جموں کشمیر کی خصوصی پوزیشن اور رام مندر کی تعمیر ہے ۔ نریندر مودی کے وزیر اعظم بننے کے بعد بین الاقوامی سطح پر ہندوستان کی شبیہ کو فائدہ پہنچا ہے۔ ہندوستان جو بھی بولتا ہے، دنیا سنجیدگی سے سنتی ہے۔ وزیر دفاع نے کہا کہ لوگ بھارت کو کمزور سمجھتے تھے لیکن ہم نے ایسا کرکے یہ بھی دکھایا کہ یہ ملک کمزور نہیں ہوا بلکہ دنیا کا طاقتور ملک بن گیا ہے۔ہم نے یہی دکھایا ہے کیونکہ بھارت ویسے بھی کسی کو تنگ نہیں کرتا۔ لیکن جو ہمیں چھیڑتا ہے، اسے چھوڑنے والا کوئی نہیں۔ یہ سب کچھ پی ایم مودی کے وزیر اعظم بننے کے بعد ہوا۔ہندوستان ایک ایسا ملک رہا ہے جس نے تاریخ میں کبھی ایک انچ زمین پر قبضہ نہیں کیا۔
