گاندربل میں پی سی پی جی میٹنگ کی سہولت فراہم

پبلک آ¶ٹ ریچ پروگرام کے ایک حصے کے طور پر، گاندربل میں پولیس نے پولیس اسٹیشن کھیرباوانی میں پولیس کمیونٹی پارٹنرشپ گروپ میٹنگ کی سہولت فراہم کی۔اطلاعات کے مطابق اس میٹنگ کا اہتمام ایس ایس پی گاندربل شری نکھل بورکر-آئی پی ایس کی ہدایت پر کیا گیا تھا اور اس کی صدارت ایس ایچ او پی ایس کھیرباوانی انسپکٹر مدثر زارو نے کی تھی اور اس موقع پر دیگر پولیس افسران بھی موجود تھے۔ اجلاس میں گا¶ں شلباغ اور دیگر ملحقہ علاقوں کے معزز شہریوں نے شرکت کی۔اجلاس کے دوران شرکاءنے منشیات، چوری، بلیک مارکیٹنگ اور دیگر متعدد مسائل سمیت مختلف مسائل کو اٹھایا۔ چیئرنگ آفیسر نے شرکاءکو یقین دلایا کہ پولیس سے متعلق ان کی حقیقی شکایات کو ترجیحی بنیادوں پر حل کیا جائے گا اور سول انتظامیہ سے متعلق مسائل ان کے جلد از جلد ازالے کے لیے متعلقہ حکام کے ساتھ اٹھائے جائیں گے۔ چیئرنگ آفیسر نے علاقے میں امن و استحکام کو برقرار رکھنے کے لیے ان سے تعاون بھی طلب کیا۔میٹنگ کے شرکاءنے سماجی برائیوں سے نمٹنے کے لیے پولیس اور انتظامیہ کے ساتھ اپنے مکمل تعاون کا یقین دلایا اور کمیونٹی انٹریکشن میٹنگز میں سہولت فراہم کرنے میں پولیس کی کوششوں کو بھی سراہا جہاں شرکاءآزادانہ طور پر اپنی رائے کا اظہار کرتے ہیں۔