جموں و کشمیر کا سالانہ بجٹ2022-23 ہر طبقے کی مساوی ترقی کو یقینی بنائے گا، باغبانی اور سیاحت پراولین توجہ کا مرکز : لیفٹنٹ گورنر

کہارواں سال ماہ ستمبر میں وادی چناب میں دنیا کا بلند ترین ریل پل تیار ہو جائے گا جو کشمیر کو ریل کے ذریعے کنیا کماری سے جوڑے گا
بجلی چوری کو روکنے کےلئےسری نگراورجموں سمیت جموں وکشمیر کے ہر ضلع اوسط 3 لاکھ سمارٹ میٹر لگائے جائیںگے:منوج سنہا
جموں و کشمیر کے لیفٹنٹ گورنر منوج سنہا نے جمعہ کو کہا کہ مالی سال2022-23 کےلئے 1.42 لاکھ کروڑ روپے کا جموں و کشمیر بجٹ تمام طبقات اور شعبوں کا احاطہ کرے گا ۔انہوںنے و اضح کیاکہ کسی بھی قسم کی تفریق، تفاوت ، امتیازیاناانصافی کا کوئی سوال ہی نہیں ہے۔ منوج سنہانے کہا کہ سالانہ بجٹ کا مقصد جموں و کشمیر میں حقیقی ترقی کے ساتھ امن اور خوشحالی لانا ہے۔اطلاعات کے مطابق جموں میں ایک پریس کانفرنس سے خطاب کرتے ہوئے جموں و کشمیر کے سالانہ بجٹ 2022-23 کے اہم انکات پر روشنی ڈالتے ہوئے، لیفٹنٹ گورنر منوج سنہا نے کہا کہ1.42 لاکھ کروڑ روپے کا بجٹ ہر شعبے کا احاطہ کرے گا اور معاشرے کے تمام طبقات اس سے مستفید ہوں گے۔ انہوںنے کہاکہ باغبانی اور سیاحت ہماری توجہ کا مرکز ہوں گے۔منوج سنہا کاکہناتھاکہ سیاحت جموں و کشمیر کی معیشت میں ریڑھ کی ہڈی کی حیثیت رکھتی ہے اور ہم ایک بار پھر اس بات کو یقینی بنائیں گے کہ سیاحت کا شعبہ اسی بلندی پر پہنچے جہاں چند دہائیاں پہلے تھا۔خیال رہے 17 مارچ کو مرکزی وزیر خزانہ نرملا سیتا رمن نے پارلیمان کے ایوان زیریں لوک سبھا میں مالی سال 2022-23 کے لیے جموں و کشمیر کے لیے1.42 لاکھ کروڑ روپے کے بجٹ کا اعلان کیا،اوربعدازاں جموں وکشمیر کاسالانہ بجٹ پارلیمنٹ کے دونوں ایوانوںمیں بحث کے بعدمنظورکیاگیا۔غورطلب ہے کہ اگست 2019میں جموں وکشمیرکاریاستی درجے نیزدفعہ 370و35Aکی منسوخی کے بعدتیسری مرتبہ سالانہ بجٹ پارلیمنٹ میں پیش کیاگیا۔لیفٹنٹ گورنر منوج سنہا نے پریس کانفرنس کے دوران کہا کہ اس سال ستمبر میں وادی چناب میں دنیا کا بلند ترین ریل پل تیار ہو جائے گا جو کشمیر کو کنیا کماری سے جوڑے گا۔انہوںنے کہاکہ ہماری توجہ پاور سیکٹر پر بھی ہے جو گزشتہ کئی دہائیوں سے بیمار ہے۔لیفٹنٹ گورنر منوج سنہا نے کہاکہ اگلے چار سالوں میں، جموں و کشمیر بجلی کا سرپلس بننے کےلئے پوری طرح تیار ہے۔ انہوں نے کہاکہ1947 کے بعد سے،یکے بعد دیگرے تمام حکومتیں صرف 3450 میگاواٹ بجلی پیدا کر سکیں اور ہم اگلے چار سالوں میں اتنی ہی بجلی پیدا کرنے کی راہ پر گامزن ہیں تاکہ جموں و کشمیر کو پاور سرپلس بنایا جا سکے۔انہوں نے کہا کہ آنے والے سال میں پاور ڈیپارٹمنٹ سری نگر اور جموں شہروں میں 6 لاکھ سمارٹ میٹر لگائے گاجبکہ ہر ضلع میں 3 لاکھ ہوں گے۔منوج سنہانے کہاکہ یہ بجلی چوری کو روکنے کےلئے ہے۔ لوگوں کو معیاری اور قابل بھروسہ بجلی بھی ملے گی۔ایک سوال کے جواب میں لیفٹنٹ گورنر منوج سنہانے کہا کہ ان کی سربراہی والی حکومت نے جموں وکشمیر کے سابق گورنر ستیہ پال ملک کی طرف سے لگائے گئے رشوت ستانی کے الزامات سے متعلق معاملے کی تحقیقات کے لیے سی بی آئی کو خط لکھا ہے۔ منوج سنہا نے کہاکہ ہم چاہتے ہیں کہ سب کچھ واضح ہو کیونکہ اعلیٰ عہدے کے لوگوں نے اس طرح کے الزامات لگائے ہیں۔