جموں کشمیر میں پُر امن صورتحال کو خراب کرنے کی اجازت نہیںدی جائے گی

حالیہ انتخابات میں شاندار کامیابی اس بات کا ثبوت ہے کہ لوگ مودی کی حکومت میں یقین رکھتے ہیں / امیت شاہ
جموںکشمیر میں تعمیر و ترقی اور امن کی صورتحال کو خراب کرنے کی اجازت نہیںدی جائے گی کی بات کرتے ہوئے وزیر داخلہ امیت شاہ نے کہا کہ جموں کشمیر میں تعمیر و ترقی کی جانب گامزن ہو گیا ہے اور خون خرابہ ختم ہو گیا ہے ۔ انہوں نے کہا کہ میں یقین دلانا چاہتا ہوں کہ جلد ہی جموںکشمیر کے عوام کو وہ سب ملے گا جس کے وہ حقدار ہے ۔اس موقعہ پر انہوںنے کہا کہ حالیہ انتخاب میں کانگریس کو لوگوں نے باہر کا راستہ دکھا یا اور انتخابات میں شاندار کامیابی اس بات کا ثبوت ہے کہ لوگ مودی کی حکومت میں یقین رکھتے ہیں ۔ مانیٹرنگ کے مطابق مرکزی وزیر داخلہ امیت شاہ نے گجرات کے احمد آبادمیں جی ایم ای آر ایس کالج کیمپس میں اوڈیالوجی اسپیچ لینگویج کالج کی سنگ بنیادرکھی جس کے بعد انہوں نے وہاں ایک تقریب سے خطاب بھی کیا ۔ تقریب میں شاہ کے ساتھ وزیر اعلیٰ بھوپیندر پٹیل، وزیر صحت ہریشی کیش پٹیل، وزیر مملکت برائے صحت نمشا سوتھر بھی موجود تھے۔ پیدائشی بہرے پن اور سماعت کی کمی کی وجہ سے شکار میں بولنے، سمجھنے کے ساتھ ساتھ بھولنے کا مسئلہ شروع ہو جاتا ہے۔اس موقعہ پر انہوں نے ایک تقریب سے خطا ب کرتے ہوئے امیت شاہ نے کہا کہ جموں کشمیر تعمیر و ترقی کی جانب گامزن ہو گیا ہے اور خون خرابہ ختم ہو گیا ہے ۔ انہوں نے کہا کہ میں یقین دلانا چاہتا ہوں کہ جلد ہی جموںکشمیر کے عوام کو وہ سب ملے گا جس کے وہ حقدار ہے ۔ انہوں نے مزید بتایا کہ میں واضح کر دینا چاہتا ہوں کہ کسی کو بھی جموں کشمیر میں امن بگاڑنے کی اجازت نہیں دی جائے گی اور نہ ہی کسی شہری ہلاکت ہوگی ۔ امیت شاہ نے یہ بھی کہا کہ دفعہ 370کے خاتمہ کے بعد یہ افواہیں پھیلائی گئی کہ مقامی نوجوانوں کو اب نوکریوں سے محروم کیا جائے گا ۔ انہوں نے سوالیہ انداز میںکہا کہ مجھے ایک مثال دو کہ کسی کی نوکری گئی اور کسی کی زمین چھین لی گئی ہے ۔ انہوں نے کہا کہ میں یقین دہانی کراتا ہوںکہ جموں کشمیر کو ایسا وزیر اعلیٰ ہوگا جو لوگوں کی خدمات کیلئے ہمیشہ پیش پیش رہے گا ۔ انہوں نے کہا کہ وزیر اعظم نریندر مودی کی سربراہی میں جموں کشمیر میں تعمیر و ترقی کا نیا دور شروع ہو گیا ۔