امریکہ نے روسی سمندری غذا کی درآمد پر پابندی عائد کردی

امریکہ اور یوروپی یونین کی روسی پابندیوں کےخلاف ڈیجیٹل تعاون بڑھانے کی اپیل
واشنگٹن: ۵۲ مارچ (یو این آئی/ایجنسیز) امریکہ نے روسی سمندری خوراک کی درآمد پر پابندیوں کی آخری تاریخ 25 مارچ سے بڑھا کر 23 جون کر دی ہے جبکہ امریکہ اور یورپی یونین نے روسی پابندیوں کے اثرات سے بچنے کیلئے ڈیجیٹل ذرائع ا کے غلط استعمال سے نمٹنے کیلئے زیادہ سے زیادہ ہم آہنگی اور تعاون کے ساتھ کام کرنے کی اپیل کی ہے۔ امریکہ نے جنرل لائسنس( جی ایل) کے حقوق کے تحت 25 مارچ سے 23 جون 2022 تک روسی الکحل مشروبات یا غیر صنعتی ہیروں کی درآمد اور سمندری خوردنی مواد، مچھلی، سمندری غذا کی درآمد پر پابندی میں توسیع کا اعلان کیا ہے۔ اس سے پہلے مارچ کے اوائل میں صدر جو بائیڈن نے یوکرین میں اپنی خصوصی مہم کے دوران روس سے سمندری غذا، شراب اور ہیروں کی امریکی درآمدات پر پابندی کا اعلان کیا تھا۔ قابل ذکر ہے کہ اب کھانے پینے کی اشیاءسے لے کر دیگر اشیاءپر مکمل پابندی عائد کر دی گئی ہے۔امریکی صدر جو بائیڈن اور یورپی یونین کی صدر ارسولا ونڈر لیین نے ایک مشترکہ طورپر جاری بیان میں روسی پابندیوں کے اثرات سے بچنے کے لیے ڈیجیٹل ذرائع ا کے غلط استعمال سے نمٹنے کے لیے زیادہ سے زیادہ ہم آہنگی اور تعاون کے ساتھ کام کرنے کی اپیل کی ہے۔ جاری کردہ ایک بیان میں، دونوں رہنماو¿ں نے کہاکہ ہم ڈیجیٹل اثاثوں کے غلط استعمال سے نمٹنے کیلئے مزید تعاون اور روسی پابندیوں کے اثرات سے بچنے کے لیےان اثاثوں کی اہمیت کو دیکھتے ہوئے اس معاملہ میں مزید زیادہ تعاون کے ساتھ کام کرنے کااعلان کرنا چاہتے ہیں۔ ہم دونوں ڈیجیٹل ذرائع اور منی لانڈرنگ کے ذرائع سے دہشت گردی کو ملنے والے پیسے پر روک لگانے کیلئے اپنے عزائم کو مزید گہرا کرنا چاہتے ہیں۔ بیان میں کہا گیا ہے کہ امریکہ اور یورپی یونین ایک دوسرے کے ساتھ ڈیجیٹل اثاثوں کے غلط استعمال سے متعلق مالی معلومات کے اشتراک کو تیز کریں گے۔