کورونا وائرس سے ایک دن میں مزید 313افراد ہلاک

نئی دہلی: ۲۲ مارچ (یو این آئی) ملک میں گزشتہ 24 گھنٹوں کے دوران ہلاکت خیز عالمی وبا کورونا وائرس (کووڈ-19) کے مزید 1,581 نئے کیسز کے ساتھ ہی متاثرین کی کل تعداد بڑھ کر چار کروڑ 30 لاکھ 10ہزار 971 ہو گئی ہے اور 313 افراد کی موت کے بعد مرنے والوں کی تعداد بڑھ کر پانچ لاکھ 16 ہزار 543 اور ایکٹو کیسز 1193 سے گھٹ کر 23913 رہ گئے ہیں۔ صحت اور خاندانی بہبود کی مرکزی وزارت نے منگل کو یہاں بتایا کہ صبح 7 بجے تک 181 کروڑ 56 لاکھ ایک ہزار 944 افراد کو کووڈ ویکسین دی جاچکی ہے۔ ملک میں کورونا وائرس سے متاثرہ کیسز کی شرح 0.06 فیصد، اموات کی شرح 1.20 فیصد اور صحت یاب ہونے کی شرح 98.74 فیصد تک پہنچ گئی ہے۔ وزارت نے کہا کہ اسی مدت کے دوران کووڈ سے دو ہزار 741 لوگوں کی شفایابی کے بعد مجموعی طور پر چار کروڑ 24 لاکھ 70 ہزار 515 لوگ اس جان لیوا وبا سے صحت یاب ہوچکے ہیں۔ ملک میں گزشتہ 24 گھنٹوں میں 5 لاکھ 68 ہزار 471 کووڈ ٹسٹ کیے گئے ہیں، اس کے ساتھ ہی اب تک کل 78 کروڑ 36 لاکھ 13 ہزار 628 کووڈ ٹسٹ کیے جا چکے ہیں۔