تاٹا کی کمرشل گاڑیاں ڈھائی فیصد تک مہنگی

نئی دہلی: ۲۲ مارچ (یو این آئی) ملک میں گاڑیاں بنانے والی سب سے بڑی کمپنی ٹاٹا موٹرس نے یکم اپریل 2022 سے اپنی کمرشل گاڑیوں کی قیمتوں میں دو سے ڈھائی فیصد تک اضافہ کرنے کا اعلان کیا ہے۔ آج یہاں جاری ایک بیان میں کمپنی نے کہا کہ یہ اضافہ گاڑی کے ماڈل اور مختلف قسم پر منحصر ہے۔ اس میں کہا گیا ہے کہ دیگر سامان کے ساتھ اسٹیل، ایلومینیم اور دیگر دھاتوں کی قیمتوں میں اضافے کی وجہ سے تجارتی گاڑیوں کی قیمتوں میں اضافہ کرنا پڑا ہے۔اس میں کہا گیا ہے کہ اگرچہ مینوفیکچرنگ مرحلے پر لاگت میں اضافے کو پورا کرنے کی کوششیں کی گئی ہیں، لیکن کل لاگت میں بھاری اضافے کی وجہ سے قیمتوں میں معمولی اضافہ کیا جا رہا ہے۔