باتر گام کپواڑہ میں د و سال کا کمسن بچہ

گڑھے میںگر کر لقمہ اجل ،علاقے میں کہرام
سرینگر / 21مارچ /سی این آئی سرحدی ضلع کپواڑہ کے باتر گام علاقے میں اس وقت کہرام مچ گیا جب دو سال کا کمسن بچہ گڑھے میں گر کر لقمہ اجل بن گیا ۔ سی این آئی نمائندے نے کپواڑہ سے اس ضمن میں تفصیلات فراہم کرتے ہوئے بتایا کہ سبزار احمد شیخ ولد فیاض احمد شیخ ساکنہ شیخ محلہ باتر گام جس کی عمر دو سال کی ہے گھر کے باہر کھیل رہا تھا جس دوران اچانک وہ وہاں ایک گڑھے میں ڈوب کر گر گیا ، نمائندے نے عین شاہدین کا حوالہ دیتے ہوئے بتایا کہ بچے کے گڑھے میںگرنے کی خبر جونہی علاقے میںپھیل گئی تو وہاںلوگوںکی بھاری بھیڑ جمع ہوئی جنہوںنے بچے کو گڑھے سے نکل کر سب ضلع اسپتال کپواڑہ علاج کیلئے پہنچا یا جہاں ڈاکٹر وں نے اسکو مردہ قرار دیا ۔ پولیس کے ایک سنیئر آفیسر نے اس کی تصدیق کرتے ہوئے بتایا کہ معاملے کی نسبت کیس درج کر لی گئی ہے جبکہ ضروری لوازمات کی ادائیگی کے بعد بچے کی نعش آخری رسومات کیلئے لواحقین کے حوالہ کر دی گئی ہے ۔