یوکرین کے کیمیکل پلانٹ سے امونیا کا اخراج

رہائشی علاقے اور شاپنگ مال پر گولہ باری ،4ہلاک
کیف:۱۲ مارچ (یو این آئی) یوکرین کے شہر سومی میں ایک کیمیکل پلانٹ سے امونیا کا رساو¿ ہوا ہے جبکہ کیف میں ایک رہائشی علاقے اور شاپنگ مال پر شدید گولہ باری میں کم از کم چار افراد ہلاک ہو گئے۔ علاقائی گورنر دمترو زیویتسکی نے بتایا کہ انہوں نے سومیخن پروم پلانٹ کے پانچ کلومیٹر کے دائرے میں رہنے والے لوگ کو خبردار کیا گیا وہ علاقہ چھوڑ دیں ، کیونکہ یہ گیس خطرناک ہے۔ انہوں نے کہاکہ امونیا ہوا سے ہلکا ہے، اسلئے پناہ گاہوں، تہہ خانوں اور نچلی منزلوں کو تحفظ کیلئے استعمال کیا جانا چاہیے ۔زیوتسکی نے مزید بتایا کہ ہنگامی ٹیمیں جائے وقوعہ پر موجود تھیں۔ یہ واقعہ ایک ایسے وقت میں سامنے آیا ہے جب روسی حکومت نے یوکرین پرکیمیائی ہتھیاروں کے استعمال کی تیاری کا الزام لگایا۔ دریں اثنا کیف میں ایک رہائشی علاقے اور شاپنگ مال پر شدید گولہ باری میں کم از کم چار افراد ہلاک ہو گئے۔ دارالحکومت میں ایمرجنسی سروسز کا کہنا ہے کہ گزشتہ چند گھنٹوں میں ملبے سے کم از کم چار لاشیں نکالی گئی ہیں۔ اپنے ٹیلی گرام چینل پر ایک پوسٹ میں دارالحکومت کے میئر وٹالی کلِٹسکو نے کہا کہ امدادی کارکن حملے کی جگہ پر آگ بجھانے میں مصروف ہیں۔ ہنگامی خدمات کی طرف سے جاری کردہ تصاویر میں مال میں امدادی کارروائیاں جاری ہیں