مقدس رات شب برات کے سلسلے میں وادی بھر میں روح پرور اجتماعات منعقد

شہر سرینگر سمیت وادی کے تمام اضلاع میں بڑے بڑے اجتماعات
سب سے بڑی تقریب درگاہ حضرتبل میں منعقد ہوئی جہاں ہزاروں عقیدت مندوں نے شب خوانی کی
سرینگر/18مارچ/سی این آئی//اسلامی تاریخ کی مقدس اور بابرکت رات شب برات کے حوالے سے سے جہاں پورے برصغیر میں روح پرور اجتماعات منعقد ہوئے وہیں پر جموںکشمیر باالخصوص وادی کشمیر میں بھی بڑے بڑے اجتماعت منعقد کئے گئے اور سب سے بڑا اجتماع درگاہ حضرتبل سرینگر میں منعقد ہوا جہاں پر ہزاروں توحید پسندوں نے رات بھر شب خوانی کی اور روح پر ور مجالس میں حصہ لیا ۔ اس دوران کئی رقعت آمیز مناظر بھی نظروں سے گزرے جہاں عقیدت مند اپنے خالق کے آگے گڑگڑاکر اپنے گناہوں کی بخشش طلب کررہے تھے ۔
کرنٹ نیوز آف انڈیا کے مطابق تاریخ اسلام میں مقدس رات مانی جانے والی شب برات کے سلسلے میں جہاں پورے عالم اسلام اور خصوصی طور پر پورے برصغیر میں جمعہ نماز مغرب کے بعد ہی شب خوانی کی تقاریب منعقد کی گئیں وہیں جموں کشمیر باالخصوص وادی کشمیر میں بھی شب برات کا شب نہایت ہی عقیدت و مذہبی جوش و خروش کے ساتھ منایا گیا ۔ اس شب کے سلسلے میں وادی بھر کی مساجداور دیگر عبادتگاہوںمیں اللہ کے حضور لوگ اپنے گناہوں کی مغفرت طلب کرتے رہے اور رات بھر شب خوانی میں گزار کر اللہ تعلیٰ سے دنیا و آخرت کی فلاح و بہبود اور ایمان میں اضافہ کی دعائیں مانگیں۔ اس ضمن میں وادی کشمیر میں سب سے بڑی تقریب درگاہ حضرت بل اور جامع مسجد سرینگر میں منعقدہوئی جہاں وادی کے اطراف و اکناف سے لوگ آکر اس مقدس محفل میں حاضر ہوکر اپنے گناہوں کی بخشش کرتے نظر آئے ۔ ادھر شب برات کے حوالے سے وادی کے مختلف علاقوں سے درگاہ حضرتبل پہنچنے والے ذائرین کےلئے انتظامیہ کی جانب سے خصوصی بس سروس بھی چلائی گئی۔ جبکہ دیگر محکمہ جات بھی اپنی خدمات انجام دیئے جن میں ہیلتھ ، پی ایچ ای ، پی ڈی ڈی اور سرینگر میونسپلٹی کارپوریشن شامل ہیں جنہوںنے ذائرین کی سہولیت کےلئے ہر سہولیت بہم رکھی ۔ درگاہ حضرتبل بل اور جامع مسجد سرینگر کے علاوہ جناب صاحب صورہ، آثار شریف پنجورہ شوپیاں، آستان عالیہ خانقاہ معلی سرینگر، آستان عالیہ سید صاحب سونہ وار، آستان عالیہ دستگیر صاحب خانیار، آستان عالیہ دستگیر صاحب امیراکدل کے علاوہ دیگر اہم عبادتگاہوں اور تمام ضلع ہیڈ کوارٹروں کی جامع مساجد میں بھی شب برات کے سلسلے میں شب خوانی ہوئی اور ذکر و ازکار ، درودوسلام ، خطمات المعظمات کی محفلیں آراستیں ہوئیں ۔ عبادتگاہوں میں ایمہ مساجد،علمائے کرام شب برات کی خصوصیت اور فضیلت پر مفصل روشنی ڈالتے ہوئے توحید پرستوں کو اس رات کے مقاصد سے روشناس کرائے۔