حد بند کمیشن کا اہم اقدام پبلک ڈومن پر پرپوزل

تجاویز اور عذرات 21مارچ تک دائر کئے جاسکتے ہیں
حد بندی کمیشن کی جانب سے جموں کشمیر سے متعلق پارلیمانی اور اسمبلی نشستوں کے حوالے سے اپنی تجاویز کوپبلک ڈومن پر مشتہر کیا ہے ۔ اس سلسلے میں کمیشن نے پرپوزل کو پبلک ڈومن پر جاری کرتے ہوئے متعلقین سے کہا ہے کہ وہ اس سلسلے میں اپنی آراء، تجاویز اورعذرات 21مارچ تک دائر کرسکتے ہیں۔ اطلاعات کے مطابق جموں کشمیر میں اسمبلی اور پارلیمانی نستوں کی نئے سرے سے حد بندی کے عمل پر جہاں نیشنل کانفرنس ، پی ڈی پی اور دیگر مقامی جماعتوںنے اعتراضات اُٹھائے وہیں پر حد بندی کمیشن نے سوموار کے روز اپنی تجاویز کو پبلک ڈومن پر جاری کیا ہے ۔ اس سلسلے میں ذرائع سے معلوم ہوا ہے کہ کمیشن نے گیزیٹ آف انڈیا اور گیزیٹ آف جموں کشمیر کو ایک ساتھ پبلک ڈومن پر جاری کیا ہے ۔ اس گزیٹ میں انہوں نے جموںکشمیر نیشنل کانفرنس اور بھاریہ جتنا پارٹی کی آراءکو بھی شامل کیا گیا ہے اور اس بارے میں عام لوگوں سے کہا گیا ہے کہ وہ اس حوالے سے اپنی آرء، تجاویز اور اعتراضات کو 21مارچ تک ڈومن میں داخل کرسکتے ہیں۔ کوئی بھی شکایت ، تجویز کو سیکریٹری ، ڈیلمنیشن کمیشن ، نرواچن سدھن، اشوک روڑ نئی دلی 110001کو بھی بھیجی جارسکتی ہے ۔ یاد رہے کہ جموں کشمیر تشکیل نو کے بعد مرکزی سرکار کے وعدے کے مطابق جموں کشمیر کو سٹیڈ ہڈ بحال کرنے کے حوالے سے اقدامات اُٹھائے جارہے ہیں تاہم اس سے قبل اسمبلی انتخابات کو منعقد کرانے سے پہلے حد بندی کمیشن اسمبلی اور پارلیمانی نشستوں کی نئے سرے سے حد بندی کرنے جارہی ہے اور اس سلسلے میں حد بندی کمیشن نے پہلے ہی ایک پرپوزل مرکزی سرکار کو بھیج دیا ہے جس پر بی جے پی اور نیشنل کانفرنس نے اپنی تجاویز اور اعتراضات پیش کئے ہیں تاہم اب حتمی رپورٹ سے قبل کمیشن نے پرپوزل کو پبلک ڈومن پر جاری کیا ہے ۔ تاکہ لوگوں کی تجاویز اور اعتراضات کو مد نظر رکھتے ہوئے حتمی رپورٹ مرتب کی جائے ۔ یاد رہے کہ حد بندی کمیشن کی جانب سے جاری کردہ مسودے کے مطابق ۔ جموں کی سوچیت گڑھ سیٹ کو بحال کرکے آر ایس پورہ کو ختم کردیا گیا ہے۔ اب آر ایس پورہ کا شہری علاقہ و تحصیل کا دسروپور، آر ایس پورہ خاص و کوٹلی شاہدولا پٹوار سرکل کا حصہ جموں جنوب کے ساتھ جڑے گا۔ جموں جنوب کا نام آر ایس پورہ۔ جموں جنوب ہوگا۔ سانبہ کا گوڑھا سلاتھیہ وجے پور کی بجائے سانبہ اسمبلی حلقہ کا حصہ ہوگا۔ڈرافٹ رپورٹ کے مطابق نگرکوٹہ کا نام اب بھلوال۔ نگرکوٹہ ہوگا۔ وہیں رائے پور دومانا و گاندھی نگر سیٹ کا وجود ختم ہوگیا ہے۔ ریاسی میں ماتا ویشنو دیوی اور جموں میں راجا باہولوچن کے نام پر باہو سیٹ ہوگی۔ باہو کا علاقہ پہلے گاندھی نگر کے نام سے تھا۔ راجوری میں کالاکوٹ سیٹ اب کالاکوٹ۔ سندربنی کے نام سے جانی جائے گی۔سری نگر میں ہبہ کدل کو بحال کردیا گیا ہے جبکہ معاون اراکین (ممبران پارلیمنٹ) کو سونپی گئی رپورٹ میں مجوزہ ضلع کی دیگر سیٹوں کے نام میں کوئی تبدیلی نہیں کی گئی ہے۔ شوپیاں میں جیناپورہ نام سے نئی سیٹ بنی ہے۔ شوپیاں و گاندربل میں صرف دو ہی سیٹیں ہوں گی۔حد بندی کے مطابق ریاست کی اسمبلی میں سات سیٹیں بڑھائی گئی ہیں۔ اس میں جموں میں چھ و کشمیر میں ایک سیٹ بڑھی ہے۔ سات سیٹیں بڑھنے کے ساتھ ہی اسمبلی 90 اراکین پر مشتمل ہوگئی ہے۔ پہلے 83 سیٹیں تھی۔ پہلی مرتبہ ایس ٹی کو ریزرویشن دیا گیا ہے۔