وزیر اعظم کی صدارت میں دفاعی صورتحال کی جائزہ میٹنگ

اجلاس میں یوکرین اور روس کے مابین جاری جنگ پر تبادلہ خیا ل
ملک کی دفاعی طاقت مضبوط کرنے کےلئے ملکی سطح پر ہتھیار وں کی تیاری کی طرف توجہ دینے کی ضرورت
وزیر اعظم نریندر مودی کی قیادت میں آج دفاعی صورتحال کے حوالے سے ایک اہم میٹنگ کا انعقاد کیا گیا جس میں روس اور یوکرین کے مابین جاری جنگ پر تفصیلی غور وخوض کیا گیا ۔ میٹنگ میں اس بات پر زور دیا گیا کہ ملک کی حفاظتی صلاحیت کو مزید مضبوط بنانے کےلئے مقامی سطح پر دفاعی ضروریات اور ہتھیار تیار کرنے کی طرف توجہ دی جانے چاہئے تاکہ اس سے ملک خود کفالت کی طرف بڑھے اور اس سے ملکی معیشیت بھی بہتر ہو۔ اطلاعات کے مطابق وزیراعظم نریندرمودی کی قیادت میں آج ہندوستان کی دفاعی تیاریوں کے سلسلے میں ایک اعلیٰ سطحی میٹنگ منعقد ہوئی، جس میں یوکرین حملے کے علاوہ دوسرے سیکورٹی امور پر تبادلہ خیال ہوا۔ اس میٹنگ میں وزیردفاع راجناتھ سنگھ کے علاوہ وزیرخارجہ جے شنکر ،قومی سلامتی کے مشیر اجیت ڈوبھال اور فوج اور فضائیہ کے سرابراہوں نے شرکت کی۔وزیراعظم کو یوکرین معاملے پر تازہ ترین صورت حال سے آگاہ کردیا اور حکومت نے وہاں سے اپنے باشندوں کو انخلا کرنے کے لیے جو گنگا آپریشن شروع کیا اس کی جانکاری دی۔اس میٹنگ میں ہندوستان کے سرحدی علاقوں پر صورت حال پر بھی غورکیاگیا۔وزیراعظم نے کہا کہ ہندوستان کو دفاعی ہتھیاروں کے سلسلے میں کسی دوسرے پر انحصار نہیں کرناچاہےے اور اس معاملے میں خودکفیل ہونے کی ضرورت ہے۔اس سے ہندوستان کی دفاع مضبوط ہوگا اور ملک کے معیشت کو بھی بڑھاوا ملے گا۔وزیراعظم نے کہا کہ ہندوستان کو روس اور یوکرین کے ساتھ اچھے تعلقات ہیں اور موجودہ جنگ کی وجہ سے ساری دنیا کو اثر پڑا ہے، ہم امن کے حامی ہیں اور چاہتے ہیں کہ دونوں ملک اپنے مسائل کو پرامن طریقے اور مذاکرات سے حل کریں۔مسٹرمودی نے اس سلسلے میں کئی بار روس کے صدر مسٹر پوتن اور یوکرین کے صدر زلنسکی کے ساتھ بات چیت بھی کرچکے ہیں۔ ہندوستان نے یوکرین سے متاثر ہوئے لوگوں کے لیے طبی امداد بھی فراہم کیا ہے۔وزیراعظم کو بتایاگیا کہ اب 18ہزار سے زیادہ ہندوستانیوں کو وہاں سے نکالاگیا ہے۔