ادھم پورہ دھماکہ ، این آئی اے کی ٹیم نے جائے واردات کا دورہ کیا

آفیسران کے ساتھ تبادلہ خیال کرکے سی سی ٹی وی فوٹیج بھی حاصل کر لی
ادھم پورہ میں آئی ای ڈی دھماکے کے بعد کیس کی تحقیقات قومی تحقیقاتی ایجنسی ( این آئی اے ) کو سونپ دینے کے بعد تحقیقاتی ایجنسی کے اہلکاروں نے جمعہ کو ادھم پورہ کے سلاتھہ چوک کا دورہ کرکے وہاں دھماکے کی جگہ کا معائنہ کیا جبکہ وہاں کچھ آفیسران کے ساتھ بھی تبادلہ خیال کیا ۔ اطلاعات کے مطابق دو دن قبل ادھم پورہ کے سلاتھیہ چوک میں پُر اسر ار طور پر ایک آئی ای ڈی دھماکہ ہوا جس کے نتیجے میںایک شہری کی موت ہوئی جبکہ 15سے زائد افراد زخمی ہو گئے ۔ دھماکے کے بعد کیس کی تحقیقات قومی تحقیقاتی ایجنسی ( این آئی اے ) نے اپنے ہاتھوں میں لیا اور جمعہ کو این آئی اے کی ٹیم نے جائے واردات کا دورہ کرکے وہاں حالات کا جائیزہ لیا۔ ذرائع کے مطابق جمعہ کی صبح تفتیشی ایجنسی (این آئی اے ) کی ایک اعلیٰ سطحی ٹیم سینئر آفیسران کے ہمراہ جمعے کے روز ا±دھم پور پہنچ گئی۔جس دوران انہوں نے دھماکے کی جگہ کا جائزہ لیا او روہاں پر آفیسران کے ساتھ اس بارے میں جانکاری حاصل کی۔ذرائع نے بتایا کہ این آئی اے کی ٹیم نے سٹیٹ انوسٹی گیشن ایجنسی (ایس آئی اے ) کے سینئر آفیسران کے ساتھ بھی اس حوالے سے تبادلہ خیال کیا۔اس دوران وہاں مختلف مقامات پر نصب سی سی ٹی وی فوٹیج بھی حاصل کر لی گئی ہے ۔