سوپور سڑک حادثہ میں زخمی شخص ہسپتال میں دم توڑ بیٹھا

زوجیلا ٹنل کے اندر پتھر گرنے سے مزدور از جان
سوپور کے بٹنگو علاقے میں گاڑی کی ٹکر سے زخمی ہوا شہری ہسپتال میں چل بسا جبکہ زوجیلا میں پتھر گرنے سے مزدور از جان ۔ اطلاعات کے مطابق شمالی کشمیر کے بارہمولہ ضلع کے سوپور کے بٹنگو علاقے میں جمعرات کی شام ایک 65 سالہ شخص کی تیز رفتار دو پہیہ گاڑی کی ٹکر سے موت ہو گئی۔تفصیلات کے مطابق ایک 65 سالہ شخص جس کی شناخت عبدالمالک ڈار ولد حبیب اللہ ڈار ساکن مقیم شہید میر کے نام سے ہوئی ہے کو دو پہیہ گاڑی کی ٹکر سے شدید چوٹیں آئیں۔اس شخص کو فوری طور پر سب ڈسٹرکٹ ہسپتال سوپور لے جایا گیا جہاں سے ڈاکٹروں نے اسے سری نگر کے ہسپتال منتقل کردیا اور آج صبح وہ زخموں کی تاب نہ لاتے ہوئے چل بسا۔اطلاعات کے مطابق موٹر سائیکل ڈرائیور موقع سے فرار ہو گیا۔ اس دوران پولیس نے اس سڑک حادثہ کے متعلق مقدمہ درج کر لیا۔ دریں اثنا جمعے کے روز زوجیلا ٹنل کے اندر کام کے دوران پتھر کے نیچے ایک مزدور آیا جس کی موقع پر ہی موت واقع ہوئی۔ مزدور کی شناخت جہانگیر وانی ساکن بانہال کے بطور ہوئی ہے۔ پولیس نے اس ضمن میں کیس درج کرکے تحقیقات شروع کی ہے۔