چاڈورہ بڈگام میں چوری کامعمہ محض2روزمیں حل

بڈگام پولیس نے چوری کی ایک واردات کامعمہ محض2روزمیں حل کرتے ہوئے ملوث چور کو گرفتارکیااوراُسکی تحویل سے مال مسروقہ بھی برآمدکیا۔اطلاعات کے مطابق پولیس نے ایک بیان میں بتایاکہ 9مارچ کو پولیس اسٹیشن چاڈورہ کو عبدالغنی ڈار ولدعبدالرحمان ڈار ساکن دولت پورہ چاڈورہ کی طرف سے ایک شکایت موصول ہوئی ، جس میں اس نے بتایا کہ زاہد مظفر عرف راجہ ڈان ولد محمد مظفر شیخ ساکن گوپال پورہ چاڈورہ نامی ایک شخص نے وتھوڑہ شیخ پورہ چاڈورہ میں اس کی راستے میں رکاوٹ ڈال کر اس کا موبائل فون اور بٹوہ جس میں کچھ نقدی رقم، ڈرائیونگ لائسنس، اے ٹی ایم کارڈ اور دیگر اہم کاغذات جس میں اے ٹی ایم پن بھی تھا کو چھین کر موقع سے فرار ہوگئے۔ اس کے بعد، ملزم نے شکایت کنندہ کے اے ٹی ایم پن کا استعمال کرتے ہوئے مزید37000کی رقم نکال لی ۔اطلاع موصول ہوتے ہی تھانہ پولیس چاڈورہ نے اس سلسلے میں ایف آئی آر نمبر32/2022 درج کرکے تحقیقات شروع کردی۔ تفتیش کے دوران ایس ایچ او پولیس اسٹیشن چاڈورہ کے مختلف جگہوں پر چھاپہ مار کر اورتیکنییکی مہارت کا استعمال کرکے مذکورہ ملزم کو موچھوا ریلوے پل پر گرفتار کرنے میں کامیاب ہوگئے ۔ اس کے قبضے سے نقدی 20ہزارروپے، چھینا گیا موبائل فون، ایک فیچر موبائل فون،ایک موبائل چارجر، ایک سلور فوائل پیپر پیکٹ اور2انسولین سائرنگز برآمد ہوئیں۔ اس سلسلے میں مزید تفتیش شروع کی گئی اور اس میں مزید گرفتاریاں متوقہ ہے۔ کمیونٹی ممبران نے فوری کارروائی کے لیے بڈگام پولیس کی کوششوں کو سراہا ہے۔ ہماری مسلسل کارروائیاں کمیونٹی کے اراکین کو یقین دلائیں گی کہ پولیس نے کسی بھی قسم کی مجرمانہ سرگرمیوں میں ملوث افراد کے خلاف سخت کارروائی کرنے کا عزم کیا ہے۔