گجراں نالہ گر یزمیں آرمی کا ہیلی کاپٹر گر کر تباہ

پائلٹ کی موقعہ پرہی موت، ایک پائلٹ شدید زخمی
شمالی کشمیرکے ضلع بانڈی پورہ کے سرحدی علاقہ تلیل گریز میں جمعہ کوفوج کاایک چیتاہیلی کاپٹر گرکرتباہ ہوگیا،جسکے نتیجے میں ہیلی کاپٹرکے پائلٹ کی موت واقعہ ہوئی جبکہ شریک پائلٹ زخمی ہوگیا،جس کواسپتال منتقل کیاگیا۔حکام نے بتایاکہ فوج کاچیتاہیلی کاپٹربی ایس ایف کے ایک بیمار سپاہی کو اُٹھانے گیا تھالیکن گریز سیکٹر میں سپاہی کے پاس پہنچنے سے پہلے ہی یہ فوجی ہیلی کاپٹر گر کر تباہ ہو گیا۔حکام نے مزید بتایاکہ وادی گریز کے علاقے گجراں نالہ میں آرمی کا ہیلی کاپٹر گر کر تباہ ہوگیا جس کے بعد فوری طور پر ریسکیو آپریشن شروع کردیا گیا۔دفاعی ذرائع نے بتایا کہ حادثے کاشکارہونے والے ہیلی کاپٹرکے پائلٹ کی لاش برآمد ہوئی جبکہ شر یک پئلٹ کو زخمی حالت میں نکالا گیا ہے اور اسے سنگین حالت میں اسپتال میں داخل کرایا گیا ہے۔ پولیس ذرائع نے بتایا کہ جمعہ کی دوپہر جب ہیلی کاپٹر برف سے ڈھکے ہوئے باروم علاقے میں گر کر تباہ ہوا تو اس میں پائلٹ اور ایک شریک پائلٹ سوارتھے۔ پائلٹ اپنی جان کھو بیٹھا اور شریک پائلٹ کو زندہ تلاش کر لیا گیا اور اسے بحفاظت نکال کر اسپتال منتقل کیاگیا اور اسکی حالت مستحکم ہے۔ حکام نے بتایا کہ حادثے کی وجہ معلوم کی جا رہی ہے۔