بونیاراوڑی میں نابالغ لڑکے کی پراسرارموت

شمالی کشمیرکے ضلع بارہمولہ کے سرحدی تحصیل اوڑی میں ایک نابالغ لڑکے کو پراسرار حالات میں مردہ پایا گیا۔جے کے این ایس کے مطابق ذرائع نے بتایاکہ بونیار اوڑی میں جمعہ کو ایک نابالغ لڑکا اپنے گھر میں پراسرار حالات میں مردہ پایا گیا،جس کے بعد مقامی پولیس کو اطلاع دی گئی۔ذرائع کا کہنا تھا کہ نابالغ لڑکے کی موت کی اصل وجہ جاننے کے لئے اسکی لاش کا پوسٹ مارٹم کرایا گیا ۔جس کے بعدلڑکے کی میت لواحقین کے سپردکی گئی اوراس سلسلے میں سی آرپی سی 174کے تحت معاملہ درج کرکے مزیدتحقیقات شروع کردی گئی ۔پولیس ذرئع نے کہا کہ بظاہر یہ خودکشی لگتی ہے تاہم ہم حقائق کا پتہ لگا نے کیلئے تحقیقات شروع کی گئی ہے۔