امبیڈکر اور بھگت سنگھ کا خواب پورا ہوگیا: کجریوال

”نئے ہندوستان کا عہد لیں گے جس میں نفرت نہیں ہوگی“
نئی دہلی:۰۱ مارچ (یو این آئی) دہلی کے وزیر اعلی اروند کجریوال نے پنجاب اسمبلی انتخابات میں عام آدمی پارٹی (آپ) کی جیت پر کہا کہ آج بابا صاحب بھیم راو¿ امبیڈکر اور بھگت سنگھ کا خواب پورا ہو گیا ہے۔ آپ کے کنوینر مسٹر کیجریوال نے کہا کہ آج وہ ایک نئے ہندوستان کا عہد لیں گے جس میں نفرت نہیں ہوگی، ماں بہن محفوظ ہوگی، تعلیم ہوگی۔ انہوں نے کہا کہ ہم ایک ایسا ہندوستان بنائیں گے جس میں کئی میڈیکل کالج ہوں گے تاکہ بچوں کو باہر نہ جانا پڑے۔انہوں نے کہا “کیپٹن امریندر سنگھ ہار گئے، چرنجیت سنگھ چنی صاحب ہار گئے، نوجوت سنگھ سدھو ہار گئے، یہ ایک بڑا انقلاب ہے۔ بھگت سنگھ نے کہا تھا کہ اگر ہم نے آزادی کے بعد سستم نہیں بدلا تو کچھ نہیں ہونے والا۔ پنجاب کے عوام نے اس بار سسٹم بدلا ہے۔ اروند کجریوال نے مزید کہا ہے کہ اتنے بڑے مینڈیٹ سے ڈر لگتا ہے لیکن اپنی امیدوں اور امنگوں پر پورا اتریں گے۔