اسکول چلیں ہم ۔۔۔۔۔

کورونا گائیڈ لائیز کے بیچ قریب 30ماہ بعد اسکولوں میں تدریس کا عمل دوبارہ بحال
شہر و دیہات میں رنگ برنگی اسکولی وردیوں میں ملبوس بچوں سے اسکولوں کی روزنق دوبالا لوٹ آئیں
کورونا وائرس کے کیسوں میںمسلسل کمی کے بیچ قریب 30ماہ بعد وادی کشمیر کے اسکولوں میں درس و تدریس کا عمل دوبارہ بحال ہو گیا ۔ کووڈ ایس او پیز پر مکمل طور پر عملدر آمد کے بیچ بدھ کی صبح شہر و دیہات میں رنگ برنگی اسکولی وردیوں میں ملبوس بچے اپنے اسکولوں کی جانب پیش قدمی کرتے ہوئے دیکھے گئے۔ وہیں طلبہ و طالبات کی ایک بڑی تعداد کو اسکول بسوں کا انتظار کرتے ہوئے بھی دیکھا گیا۔کافی عرصہ بعد طالبہ کا اسکولوں کا رخ کرنے سے ایک الگ اور خوشگوار ماحول دیکھنے کو ملا۔ جہاں اساتذہ کا طلبہ کو گرمجوشی سے استقبال کرتے ہوئے دیکھا گیا۔ سی این آئی کے مطابق طویل عرصہ کے بعد وادی کشمیر میں اسکولوں میں دوبارہ رونق لوٹ آئی او ر اسکولوں میں درس و تدریس کا عمل دوبارہ بحال ہو گیا ۔ بدھ کی صبح شہر و دیہات میں رنگ برنگی اسکولی وردیوں میں ملبوس بچے اپنے اسکولوں کی جانب پیش قدمی کرتے ہوئے دیکھے گئے۔ وہیں طلبہ و طالبات کی ایک بڑی تعداد کو اسکول بسوں کا انتظار کرتے ہوئے بھی دیکھا گیا۔کافی عرصہ بعد طالبہ کا اسکولوں کا رخ کرنے سے ایک الگ اور خوشگوار ماحول دیکھنے کو ملا۔ جہاں اساتذہ کا طلبہ کو گرمجوشی سے استقبال کرتے ہوئے دیکھا گیا۔ وہیں طلبہ اپنے ہم جماعتیوں اور دیگر دوستوں کے ساتھ بغل گیر ہوتے ہوئے بھی دیکھے گئے۔اس موقع پر طلبہ و طالبات نے اپنی خوشی کا اظہار کرتے ہوئے کہا کہ مدتوں بعد اپنے دوستوں اور اساتذہ کو دوبارہ اسکولوں میں دیکھتے ہوئے کافی خوشی محسوس ہورہی ہے۔اسکولوں میں درس و تدریس کی سرگرمیاں شروع کرنے سے قبل وضح کئے گئے کووڈ-19 کے تمام رہنما خطوط عملائے جا رہے ہیں۔ جہاں طلب علموں کا اسکولوں کے اندر داخل ہونے کے ساتھ ہی تھرمل سکریننگ عمل میں لائی جارہی ہے۔ وہیں سنیٹائزر کی دستیابی اور ماسک لگانے پر خاص دھیان رکھا جارہا ہے۔ کسی بھی طالب علم کو بنا ماسک کے اسکول کے اندر داخل ہونے کی اجازت نہیں دی جارہی ہے۔ادھر طلبہ کے ساتھ ساتھ اسکول اساتذہ بھی کافی خوش نظر آرہے تھے۔ اساتذہ کا کہنا ہے کہ بچوں کو کلاسز میں رو برو اور پڑھائی کرتے ہوئے دیکھ کر بہت اچھا لگ رہا ہے۔واضح رہے کشمیر وادی میں کووڈ کے کیسوں میں کمی کے چلتے انتظامیہ نے اعلان کیا تھا کہ دو مارچ سے با ضابطہ طور پر اسکولوں میں درس و تدریس کا عمل بحال ہوگا ۔