وادی کے شمال و جنوب میں جنگجو مخالف آپریشنوں میں تیزی کے بیچ پہاڑی ضلع شوپیان کے امشی پورہ علاقے میں سیکورٹی فورسز اور عسکریت پسندوں کے مابین مسلح جھڑپ میں دو مقامی لشکر جنگجو اور ایک عام شہر ی ( مکان مالک ) از جاں ہو گئے ۔ آئی جی پی کشمیر نے جھڑپ میں دو جنگجوﺅں اور شہری کی ہلاکت کی تصدیق کرتے ہوئے بتایا کہ شہری ملی ٹنٹوں کی فائرنگ میںمارا گیا ۔ انہوںنے کہا کہ مہلوک جنگجوﺅں سے اسلحہ و گولہ بارود بھی بر آمد کر لیا گیا ہے ۔
دفاعی ذرائع سے معلوم ہو اہے کہ امشی پورہ شوپیان میں دو جنگجوﺅں کی موجودگی کی اطلاع ملنے کے بعد فوج ،سی آر پی ایف اور جموں کشمیر پولیس نے جمعہ کی اعلیٰ الصبح علاقے میںتلاشی آپریشن عمل میںلایا ۔ ذرائع سے معلوم ہوا ہے کہ علاقے میں کافی دیر تک سیکورٹی فورسز نے تلاشی آپریشن عمل میںلایا اور جونہی تلاشی آپریشن کے دوران س جگہ کی جانب پیش قدمی کرنے کی کوشش کی جہاں جنگجوﺅں چھپے بیٹھے تھے تو وہاں موجود جنگجوﺅں نے فورسز پر فائرنگ کی جس کے ساتھ ہی علاقے میں گولیوں کا مختصر تبادلہ ہوا ۔ذرائع کے مطابق علاقے میں مختصر جھڑپ کے بعد پولیس نے محاصرے میں پھنسے جنگجوﺅںکو خود سپردگی کی بھی پیشکش کی تاہم انہوں نے وہ ٹھکرادی جس کے بعد علاقے میں جاری رہنے کے بیچ وقفے وقفے سے دونوں اطراف سے فائرنگ کا تبادلہ ہوا ۔ ذرائع سے معلوم ہوا ہے کہ کچھ دیر بعد ہی آپریشن کو وسیع کر دیا گیا اور جنگجوﺅںکے خلاف کارورائی تیز کر دی گئی اور جونہی علاقے میںگولیوں کا تبادلہ تھم گیا تو جھڑپ کے مقام سے دوجنگجوﺅںکی نعشیں بر آمد کر لی گئی جن کی شناخت مزمل احمد میر ولد ابو حمید میر ساکنہ چتری پورہ، شوپیاں اور شارق ایوب ولد محمد ایوب وگے ساکنہ بون پورہ، امشی پورہ، شوپیاں کے طور پر ہوئی۔ اور دونوں کے بارے میں بتایا جاتا ہے کہ وہ عسکری تنظیم لشکر طیبہ سے وابستہ تھے ۔ ادھر طرفین کے مابین گولی باری کے نتیجے میں ایک عام شہری جس کے بارے میں بتایا جاتا ہے کہ وہ عسکری تنظیم لشکر طیبہ سے وابستہ تھے ۔ آئی جی پی کشمیر وجے کمار نے جھڑپ میںدو جنگجوﺅں اور ایک مقامی شہری کی ہلاکت کی تصدیق کرتے ہوئے بتایا کہ شہری ملی ٹنٹوں کی فائرنگ میںمارا گیا ۔
آئی جی پی کے مطابق امشی پورہ، شوپیان میں عسکریت پسندوں کی موجودگی کے بارے میں پولیس کے مخصوص ان پٹ کی بنیاد پر، 24اور 25فروری2022 کی دیر رات کو ایک مشترکہ آپریشن شروع کیا گیا، رہائشی گھروں کو گھیرے میں لینے کے بعدشہریوں کو محفوظ مقام پر منتقل کیا گیا۔ اس کے بعد چھپے ہوئے عسکریت پسندوں کا پتہ لگانے کے لیے رات گئے گھر گھر تلاشی شروع کی گئی۔ انہوں نے کہا کہ تلاشی کے دوران عسکریت پسند باہر آئے اور ندھا دھند فائرنگ کی ۔ عسکریت پسندوں کی اندھا دھند فائرنگ میں ایک شہری شکیل احمد خان ولد عبدالرحیم خان، سکنہ امشی پورہ شدید زخمی ہوا۔ زخمی شہری کو طبی امداد کے لیے ہسپتال منتقل کئے جانے کے دوران زخموں کی تاب نہ لاتے ہوئے دم توڑ گیا۔انہوں نے کہا کہ عسکریت پسندوں کی طرف سے فائرنگ کی موثر جوابی کارروائی کی گئی جس میں دونوں عسکریت پسندوں کو مار گرایا گیا۔انہوں نے مزید کہا کہ دونوں مارے گئے عسکریت پسندوں کا تعلق لشکر طیبہ سے تھا۔ اسلحے سمیت دیگر مواد (ایک اے کے 56 رائفل اور ایک پستول) اور گولہ بارود بھی برآمد کیا گیا
