ملٹنسی کو بڑھاوادینے کےلئے ڈرون کے ذریعے اسلحہ بھیجا جاتا ہے

جموں کشمیر میں بدامنی پھیلانے کی کوششوں کو ناکام بنایا جائے گا۔ پولیس چیف
جموں کشمیر پولیس کے سربراہ دلباغ سنگھ نے کہا ہے کہ جموں کشمیر میں ملٹنسی کو بڑھاوادینے کےلئے پاکستان کی جانب سے ڈرونوں کے ذریعے اسلحہ بھیجا جارہا ہے ۔ انہوںنے بتایا کہ خطے میں امن و قانون کی صورتحال کو بگاڑنے کی ہر کوشش کو ناکام بنایا جائے گا۔ ڈائریکٹرجنرل آف پولیس نے اُدھمپور میں امن قانون کی صورتحال کاجائزہ لینے کی غرض سے بلائی گئی ایک میٹنگ کے حاشئے پر ذرائع ابلاغ کے نمائندوں کے سوالوں کاجواب دیتے ہوئے کہا کہ پاکستان کی جانب سے عسکریت کو مضبوط مستحکم بنانے کی کوششیں ہورہی ہے اور پاکستان جموں وکشمیرمیں دم توڑتی ہوئی عسکریت میںنئی روح پھونکنے کی بھر پور کوشش کررہاہے اور ا سکے لئے ڈرون طیاروں کے ذریعے اسلحہ گرانے کی کارروائیاں انجام دے رہاہے ۔ڈائریکٹر جنرل آف پولیس نے کہاکہ جموںو سیکٹر میں پاکستانی خفیہ ایجنسی اور عسکری تنظیموں کے کمانڈروںنے عسکریت پسندوں تک ہتھیار پہنچانے کے لئے ڈرون ٹیکنالوجی کاجواستعمال کیاہے اس کو ہرحال میں ناکام بنایاجارہاہے اور پچھلے ایک سال سے پولیس وفورسز نے ڈرون طیاروں کے ذریعے گرائے جانے والے اسلحہ گولہ بارود کی بڑی مقدار ضبط کرلی ہے۔ دلباغ سنگھ نے کہا کہ پہلی بار ڈرون طیاروں کے ذریعے لکوڈ کیمکل عسکریت پسندوں تک پہنچانے کی کوشش کی گئی جسے ضبط کیاگیاہے اور اس کا لیبارٹری میں ٹیسٹ کیاجارہاہے تاکہ ا س بات کاپتہ لگایاجاسکے کہ یہ کیمکل کن اغراض مقاصد کے لئے استعمال میں لایا جاتاہے۔انہوںنے کہا کہ سال 2021میںپولیس وفورسز اور عسکریت پسندو ںکے مابین جھڑپوں کے دوران 182کے قریب عسکریت پسند مارے گئے تاہم اس دوران تین سو سے زیادہ ہتھیار برآمد کئے گئے جواس بات کی عکاسی ہے کہ پاکستان جموںو کشمیرمیں کس قدر عسکریت کو مضبوط مستحکم بنانے کی کوشش میں لگا ہوا ہے ۔ڈائریکٹرجنرل آف پولیس نے کہاکہ ہم امن ترقی اور خوشحالی کے راہ پرگامزن ہے جموں وکشمیرمیں امن قائم کرنے کی تمام رکاوٹوں کودور کیاجائےگا اور ملک دشمن سرگرمیوں میں ملوث افراد کوبخشا نہیں جائےگا ۔