ملک میں کورونا انفیکشن کی یومیہ شرح 1.68 فیصد

24 گھنٹوں میں 30 لاکھ 81 ہزار 336 کووڈ ٹیکے لگائے گئے
نئی دہلی(یو این آئی) ملک میں کورونا وائرس کی دھیمی پڑتی رفتار کے درمیان انفیکشن کی یومیہ شرح 1.68 فیصد رہ گئی ہے مرکزی وزارت برائے صحت اور خاندانی بہبود نے یہاں بتایا کہ گزشتہ 24 گھنٹوں میں ملک میں 30 لاکھ 81 ہزار 336 کووڈ ٹیکے لگائے گئے اس کے ساتھ ہی آج صبح 7 بجے تک ایک ارب 75 کروڑ 37 لاکھ 22 ہزار 697 کووڈ ٹیکے لگائے جا چکے ہیں وزارت نے بتایا کہ گزشتہ 24 گھنٹوں میں کووڈ انفیکشن کے 19 ہزار 968 نئے کیسز سامنے آئے ہیں۔ اس کے ساتھ ہی ملک میں کورونا کےایکٹیو کیسز کی تعداد کم ہو کر دو لاکھ 24 ہزار 187 رہ گئی ہے۔ یہ کیسز کا 0.52 فیصد ہے۔ انفیکشن کی یومیہ شرح 1.68 فیصد تک پہنچ گئی ہے۔وزارت نے بتایا کہ اس دوران 48 ہزار 847 لوگ کووڈ سے صحتیاب ہوئےہیں۔ اب تک مجموعی طور پر چار کروڑ 20 لاکھ 86 ہزار 383 لوگ کووڈ سے صحت یاب ہو چکے ہیں۔ شفایابی شرح 98.28 فیصد ہے۔ملک میں گزشتہ 24 گھنٹوں کے دوران اس انفیکشن کی وجہ سے 673 افراد جاں بحق ہوئے ہیں ، جس کے بعد مرنے والوں کی مجموعی تعداد بڑھ کر 5,11,903 ہو گئی۔ اس وقت شرح اموات 1.20 فیصد ہے۔