ایم او سی کا بنیادی مقصد کسانوں کے معاوضے کو بہتر بنانا ، ٹیکنالوجی کی منتقلی ، مارکیٹنگ اور جموں و کشمیر کی بھیڑوں کی مصنوعات کی قدر میں اضافہ کرنا ہے ۔ لفٹینٹ گورنر
نیوزی لینڈ عالمی سطح پر ہندوستان کے بڑھتے ہوئے تعلقات کا ایک اہم شراکت دار ہے ۔ ایل جی
جموں 10 فروری 2022 ئ
حکومت جموں و کشمیر نے آج مرکز کے زیر انتظام علاقے میں شیپ فارمنگ سیکٹر کو تبدیل کرنے کیلئے تعاون کی ایک یاداشت ( ایم او سی ) پر دستخط کئے ہیں ۔ مجازی ایم او سی پر دستخط کی تقریب کی صدارت لفٹینٹ گورنر منوج سنہا نے راج بھون میں کی ۔ ایم او سی پر پرنسپل سیکرٹری محکمہ حیوانات اور بھیڑ پالن حکومت جموں و کشمیر نوین کمار چودھری اور ایگزیکٹو ڈائریکٹر نیوزی لینڈ جی 2 جی Mischa Mannix-Opie نے بھیڑوں کے شعبے میں ایک دوسرے کی صلاحیتوں کی تکمیل کیلئے جموں و کشمیر اور نیوزی لینڈ کے درمیان باہمی عزم کے طور پر دستخط کئے تھے ۔ اس موقع پر لفٹینٹ گورنر نے کہا کہ جموں و کشمیر اور نیوزی لینڈ کے درمیان نئی شراکت داری یو ٹی کے مویشیوں کے شعبے میں پیداوار اور پیداواری صلاحیت کو فروغ دے گی ۔ لفٹینٹ گورنر نے کہا کہ ایم او سی کا بنیادی مقصد کسانوں کے معاوضے کو بہتر بنانا ، تحقیق اور ترقی میں ٹیکنالوجی کی منتقلی کے ساتھ ساتھ جموں و کشمیر کی بھیڑوں کی مصنوعات کی مارکیٹنگ اور ویلیو ایڈیشن ہے ۔ لفٹینٹ گورنر نے کہا کہ نیوزی لینڈ عالمی سطح پر ہندوستان کے بڑھتے ہوئے تعلقات کا ایک اہم شراکت دار ہے اور ہم اپنے تعلقات کو نہ صرف گہرے بندھنوں اور ثقافتی وابستگیوں کی وجہ سے بلکہ اپنے اسٹریٹجک کنورجنس ، عالمی مفادات اور اقتصادی صلاحیت کی پختہ سمجھ کی وجہ سے بھی خصوصی قدروں کو جوڑتے ہیں ۔ لفٹینٹ گورنر نے کہا کہ عزت مآب وزیر اعظم نریندر مودی اور نیوزی لینڈ کی وزیر اعظم محترمہ جیسنڈا آرڈرن عوام کیلئے جمہوریت ، امن اور خوشحالی کے نظریات کو فروغ دینے کیلئے مشترکہ عزم پر یقین رکھتے ہیں ۔ انہوں نے کہا کہ پچھلے دو برسوں سے عالمی وبائی امراض کے ہنگامہ خیز واقعات کے باوجود ہندوستان اور نیوزی لینڈ کے تعلقات میں تقریباً ہموار تسلسل رہا ہے ۔ لفٹینٹ گورنر نے مزید کہا کہ اس سال دونوں ممالک کے درمیان دو طرفہ تعلقات کے آغاز کی 70 ویں سالگرہ ہے اور یہ ہمیں اپنی شراکتداری کو مضبوط کرنے کا موقع فراہم کرتا ہے اور ایک طویل مدتی ، باہمی مضبوط اقتصادی تعلقات کی مضبوط عمارت بنانے کے ہمارے عزم کو تقویت دیتا ہے ۔ لفٹینٹ گورنر نے مزید کہا کہ نئی شراکتداری کا مقصد اگلے تین برسوں میں مویشیوں کی مصنوعات کے معیار میں خاطر خواہ اضافہ ، اون کی پیداوار اور پروسیسنگ کی سہولیات متعارف کرانے اور جموں کشمیر کی آمدنی اور فوائد کو بڑھانے کیلئے ویلیو ایڈیشن کے ساتھ پیداوار کو دوگنا کرنا ہے ۔