اونتی پورہ میں سڑک حادثہ 2سالہ بچی موت کے آغوش میں چلی گئی

سرینگرکے صورہ سے تعلق رکھنے والی2سالہ بچی طوبہ رانی دختر عبدالمجید ایک کار میں سوارتھی جس کو ایک شیخ سہیل ولد غلام حسن چلا رہا تھا، چرسو اونتی پورہ میں حادثہ کا شکار ہو گئی جس کے نتیجے میں کمسن بچی شدید زخمی ہو گئی۔ذرائع نے بتایا کہ زخمی بچی کو فوری طور پر جائے وقوعہ سے پرائمری ہیلتھ سینٹر اونتی پورہ منتقل کیا گیا، جہاں داخل ہونے کے فوراً بعد 2سالہ بچی طوبہ رانینے زخموں کی تاب نہ لاتے ہوئے دم توڑ دیا۔حادثے کی تصدیق کرتے ہوئے پولیس نے بتایا کہ اس سلسلے میں مزید تحقیقات کے لئے ایک کیس درج کیا گیا ہے۔اُدھرصوبہ جموں کے پونچھ ضلع میں جمعرات کو قریبی جنگل سے لکڑیاں لے کر گھر لوٹتے ہوئے پہاڑسے پھسلنے کے باعث ایک25سالہ نوجوان کی موت ہو گئی۔ذرائع نے بتایاکہ25دالہ منظور حسین ساکنہ اچڈ نبانہ قریبی جنگل سے لکڑیاں لے کر جا رہا تھا ،راستے میں وہ پہاڑی سے پھسل کر نیچے گر گیا جس کے نتیجے میں اس کی موقع پر ہی موت ہو گئی۔بعد میں منکوٹ کی پولیس پارٹی موقع پر پہنچی اور قانونی کارروائی مکمل کی۔ایس ایچ او مینڈھر منظور کوہلی نے واقعے کی تصدیق کرتے ہوئے کہا کہ ضروری لوازمات کے بعدنوجوان کی لاش کو آخری رسومات کےلئے لواحقین کے حوالے کیا گیاجبکہ اس سلسلے میں معاملہ درج کرکے مزیدتحقیقات شروع کی گئی ۔