حسن پورہ بجبہاڑہ میںپولیس ہیڈ کانسٹبل پر گولیاں چلا کر ہلاک کیا گیا

جنوبی ضلع اننت ناگ کے حسن پورہ پورہ بجبہاڑہ میں سنیچروار کے بعد دوپہر اس وقت سنسنی پھیل گئی جب مسلح بند وق بردار نے پولیس ہیڈ کانسٹبل پر نزدیک سے گولیاں چلا کر اسکو ابدی نیند سلاد یا ۔ حملے کے بعد پورے علاقے کو سیکورٹی فورسز نے محاصرے میں لیا اور حملہ آوروں کی تلاش بڑے پیمانے پر شروع کردی گئی ہے ۔ اطلاعات کے مطابق حسن پورہ بجبہاڑہ علاقے میں سنیچروار کے بعد دوپہر اس وقت افرا تفری کا ماحول پھیل گیا جب مسلح جنگجو ﺅں نے وہاں ایک پولیس ہیڈ کانسٹبل پر نزدیک سے گولیاں چلائی ۔پولیس ذرائع کے مطابق مسلح جنگجوﺅں نے ہیڈ کانسٹبل علی محمد ولد غلام قادر گنائی پر نزدیک سے گولیاں چلائی جس کے نتیجے میں وہ شد ید طور پر زخمی ہو گیا ۔ اگرچہ مذکورہ پولیس کانسٹبل کو خون میںلت پت اسپتال پہنچانے کی کوشش کی گئی تاہم ڈاکٹروں نے اسے وہاںمردہ قرار دیا ۔ پولیس کے ایک سنیئر آفیسر نے اس کی تصدیق کرتے ہوئے بتایا کہ حسن پورہ بجبہاڑہ میں مسلح جنگجوﺅں نے پولیس ہیڈ کانسٹبل پر نزدیک سے گولیاں چلائی جس کے نتیجے میں وہ شدید طور پر زخمی ہو گیا ۔ انہوں نے بتایا کہ پولیس کانسٹبل کو گورئمنٹ میڈیکل کالج اننت ناگ علاج و معالجہ کیلئے پہنچایا گیا تاہم وہ وہاں زخموں کی تاب نہ لاکر دم توڑ بیٹھا ۔ انہوں نے بتایا کہ حملے کے بعد پولیس و سیکورٹی فورسز کی اضافی نفری علاقے میں پہنچ گئی جنہوں نے پورے علاقے کو محاصرے میںلیکر تلاشی کارروائی عمل میں لائی گئی تاہم کسی کی گرفتار ی عمل میں نہیں لائی گئی ۔