ہندوستان فارما میڈیکل آلات کے شعبوں میںآر اینڈ ڈی کو فروغ دینے کیلئے قومی پالیسی متعارف کرانے کے آخری مراحل میں ہے۔  منڈاویہ

 گاندھی نگر/مرکزی وزیر صحت منسکھ منڈاویہ نے اتوار کو کہا کہ ہندوستان فارما میڈیکل آلات کے شعبوں میں تحقیق اور ترقی اور اختراع کو فروغ دینے کے لیے ایک قومی پالیسی متعارف کرانے کے آخری مراحل میں ہے۔صحت کی دیکھ بھال میں معیار، رسائی اور قابل استطاعت کے تئیں ہندوستان کی وابستگی غیر متزلزل ہے، خاص طور پر کووڈ۔ 19 وبائی امراض کے دوران اس کا مظاہرہ کیا گیا۔ منڈاویہ نے اتوار کو دواسازی میں ہندوستانی صنعت کے رہنماؤں، G20 وزراء اور مندوبین کے ساتھ اپنے کلیدی خطاب میں کہا کہ ہندوستان فارما میڈیکل آلات کے شعبوں میںآر اینڈ ڈی کو فروغ دینے کیلئے  قومی پالیسی متعارف کرانے کے آخری مراحل میں ہے ۔انہوں نے صحت کی دیکھ بھال کے مستقبل کے لیے ہندوستان کے وژن کے بارے میں بھی بات کی، جو حجم پر مبنی نقطہ نظر سے قدر پر مبنی لیڈر شپ ماڈل کی طرف منتقلی کے گرد مرکوز ہے۔ ایک سرکاری ریلیز میں کہا گیا ہے کہ”صحت کی دیکھ بھال کی ترقی میں تحقیق اور ترقی کی بنیادی اہمیت کو تسلیم کرتے ہوئے، ڈاکٹر منڈاویہ نے ایک اختراعی ماحول کو فروغ دینے میں ہندوستان کی پیش رفت کا اعلان کیا۔منڈاویہ کے حوالے سے ریلیز میں کہا گیا ہے کہ ”بھارت فارما میڈیکل آلات کے شعبوں میں تحقیق اور ترقی اور اختراع کو فروغ دینے کے لیے ایک قومی پالیسی متعارف کرانے کے آخری مراحل میں ہے۔مرکزی وزیر نے ممالک، حکومتی اداروں، صنعت کے رہنماؤں، صحت کی دیکھ بھال کے پیشہ ور افراد اور محققین کو "دواسازی اور طبی آلات کے شعبوں کو بے مثال بلندیوں تک پہنچانے کے لیے” متحد کوششوں میں شامل ہونے کی دعوت دی۔اپنے ابتدائی کلمات میں، جمہوریہ انڈونیشیا کے وزیر صحت بوڈی جی سادیکن، اور نیدرلینڈ کے وزیر صحت ڈاکٹر ارنسٹ کوئپرس نے صحت اور فارماکولوجی میں ہندوستان کی کامیابی پر روشنی ڈالی اور اقوام کے درمیان تعاون کی ضرورت پر زور دیا۔  ڈاکٹر  کوئپر  نے کہا کہ ہندوستان میں تیار ہونے والی دوائیں  نیدرلینڈز، یورپ اور پوری دنیا میں  زندگیاں بچاتی ہیں۔ میں ہندوستان کے ساتھ مضبوط تعاون کا منتظر ہوں۔