حکومت نے اپولو ہسپتالوں کے ساتھ مفاہمت کی یادداشت پر دستخط کئے

عالمی شہرت یافتہ ہیلتھ کئیر کمپنی جموں میں ملٹی اسپیشلٹی ہسپتال قائم کرے گی
ہم نے ترقی اور سماجی و اقتصادی ترقی کے ایک نئے سفر کا آغاز کیا ہے ، جو یو ٹی کو اس سطح پر لے جائے گا جو پہلے کبھی نہیں دیکھا گیا ۔ لفٹینٹ گورنر
پہلے مرحلے میں اپولو 250 بستروں کا ہسپتال قائم کرے گا
جموں و کشمیر حکومت نے جموں میں ایک ملٹی اسپیشلٹی ہسپتال کے قیام کیلئے دنیا کی مشہور ہیلتھ کئیر کمپنی اپولو ہاسپٹلس کے ساتھ مفاہمت کی ایک یاداشت پر دستخط کئے ہیں ۔ لفٹینٹ گورنر منوج سنہا ، جموں و کشمیر حکومت ، صنعت و تجارت محکمہ کے پرنسپل سیکرٹری رنجن پرکاش ٹھاکر اور ایگزیکٹو وائس چئیر پرسن اپولو ہاسپٹلز انٹر پرائیز لمٹیڈ ڈاکٹر پریتھا ریڈی کی موجودگی میں ایم او یو پر دستخط کئے گئے ۔ اس موقع پر خطاب کرتے ہوئے لفٹینٹ گورنر منوج سنہا نے کہا کہ ایم او یو جموں و کشمیر کیلئے ایک اور اہم سنگ میل ہے ۔ لفٹینٹ گورنر نے کہا ” ہم نے ترقی اور سماجی و اقتصادی ترقی کے ایک سفر کا آغاز کیا ہے ، جو جے اینڈ کے یو ٹی کو اس سطح پر لے جائے گا جو پہلے کبھی نہیں دیکھا گیا تھا “ ۔ لفٹینٹ گورنر نے مزید کہا کہ صنعت کی زیادہ مصروفیت اور زیادہ سرمایہ کاری کے ساتھ جموں و کشمیر آنے والے برسوں میں مضبوط سے مضبوط تر ہوتا جائے گا ۔ لفٹینٹ گورنر نے کہا کہ اس کے علاوہ صحت کی بہترین سہولیات فراہم کرنے سے یہ منصوبہ مقامی لوگوں کیلئے براہ راست اور بالواسطہ روز گار کے بڑے مواقع فراہم کرے گا ۔ لفٹینٹ گورنر نے کہا کہ جموں و کشمیر ملک میں واحد یو ٹی /ریاست ہے جس میں5 لاکھ روپے فی خاندان روپے تک کی یونیورسل ہیلتھ انشورنس کوریج ہے ۔ ہم صحت کے شعبے کیلئے بھی وسیع بجٹ رکھ رہے ہیں ۔ لفٹینٹ گورنر نے مزید کہا کہ صحت کی دیکھ بھال کے مزید منصوبے اور ایم او یوز پائپ لائین میں ہیں تا کہ یو ٹی کے ہر شہری کی پہنچ میں بہترین صحت کی دیکھ بھال کو یقینی بنایا جا سکے ۔ پہلے مرحلے میں اپولو ہسپتال خطے میں 250 بستروں کا ہسپتال قائم کرے گا ۔ طبی سہولت کیلئے مشہور اپولو کی صحت کی دیکھ بھال کے ماحولیاتی نظام میں ایک مضبوط موجودگی ہے جو اعلیٰ معیار کی ، مریض پر مرکوز طبی دیکھ بھال فراہم کرتی ہے ۔ حکومت جموں و کشمیر محکمہ صنعت و تجارت کے پرنسپل سیکرٹری رنجن پرکاش ٹھاکر نے ایم او یو کے ذریعے یو ٹی کے لوگوں تک صحت کی سہولیات فراہم کرنے کے بارے میں بات کی ۔ ایگزیکٹو وائس چئیر پرسن اپولو ہاسپٹلس انٹر پرائز لمٹیڈ ڈاکٹر پریتھا ریڈی نے یو ٹی میں جدید ترین صحت کی سہولیات کے قیام کیلئے اپولو اسپتالوں کے وژن کا اشتراک کیا ۔ ڈاکٹر ریڈی نے کہا کہ ہم سمجھتے ہیں کہ صحت کا شعبہ روز گار کے وسیع مواقع پیدا کرتا ہے اور یہ منصوبہ 1000 سے زائد براہ راست روز گار بھی پیدا کرے گا ۔ یہ وہ ذمہ داری ہے جس کو نبھانے کیلئے ہم سب نے مل کر طے کیا ہے اس کے علاوہ یہ نہ صرف ڈاکٹروں کیلئے بلکہ نرسوں ، پیرا میڈیکس ، تکنیکی ماہرین اور متعلقہ صحت کی دیکھ بھال کرنے والے کارکنوں کیلئے بھی تربیتی مرکز بن جائے گا ۔