روہنی کورٹ میں دھماکے کے الزام میں سینئر سائنسدان گرفتار

نئی دہلی(یو این آئی) دہلی پولیس نے روہنی کورٹ میں دھماکے کے معاملے میں ایک سینئر سائنسدان کو گرفتار کیا ہے ۔ کمشنر راکیش استھانہ نے ہفتہ کو بتایا کہ گرفتار ملزم بھارت بھوشن کٹاریا (45) سے پوچھ گچھ کے دوران پہلی نظر میں یہ بات سامنے آئی ہے کہ اس نے اپنے ایک پڑوسی وکیل سے ذاتی دشمنی کی وجہ سے عدالت میں بیٹھنے کی جگہ کے پاس آئی ای ڈی والا بیگ رکھا تھا۔ جسے ریموٹ کے ذریعہ دھماکہ کیا گیا تھا۔ مسٹر استھانہ نے بتایاکہ "9 دسمبر کو ہونے والے دھماکے کے معاملے میں سی سی ٹی وی کی جانچ سے یہ بات سامنے آئی کہ جب سائنسدان عدالت میں داخل ہوا تو اس کے پاس دو تھیلے تھے لیکن جب وہ باہر آئے تو ان کے پاس ایک بیگ تھا۔ جائے واقع سے ملنے والے کالے بیگ کی جانچ کی گئی تو معلوم ہوا کہ ملزم کے عدالت میں داخلے کے وقت ایک اور بیگ موجود ہے ۔ پولیس کمشنر نے بتایا کہ وکیل اور سائنسدان پڑوسی ہیں۔ دونوں میں تنازعہ چل رہاہے ۔ اس سلسلے میں انہوں نے ایک دوسرے کے خلاف چار پانچ مقدمات درج کرائے ہیں جو کافی عرصے سے چل رہے ہیں۔ انہوں نے بتایا کہ تفتیش کے دوران پولیس نے عدالت کے احاطے میں کھڑی ایک ہزار سے زیادہ کاروں کے مالکان سے پوچھ گچھ کی تھی۔ تفتیش اور سی سی ٹی وی کی جانچ کے بعد یہ سراغ ملے ۔ پولس کمشنر نے بتایاکہ “کالے رنگ کا بیگ ایک اہم سراغ ثابت ہوا۔ اس سے اس کے مالک کا انکشاف ہوا۔ چھاپے کے دوران سائنسدان کے گھر سے وہی بیگ بھی برآمد ہوا جو سی سی ٹی وی میں نظر آ رہا تھا۔ جائے واقع سے برآمد ہونے والے بیگ میں موجود دستاویزات بھی ملزمان کے ہیں۔