بڈگام حادثے میں تین شہری زخمی

جموںوکشمیر کے وسطی ضلع بڈگام کے چاڈورہ علاقے ٹریفک کے ایک حادثے میں تین شہری زخمی ہوئے۔ ماربل چاڈورہ کے نزدیک موٹر سائیکل اور ماروتی کار کے درمیان زور دار ٹکر ہوئی جس کے نتیجے میں تین شہری شدید طورپر زخمی ہوئے۔ انہوںنے زخمیوں کی شناخت افصار بٹ ولد منظور بٹ ، شاکر احمد ولد بشیر احمد اور بشارت احمد ساکنان کرالہ پورہ چاڈورہ کے بطور کی ہے۔ اُن کا مزید کہنا تھا کہ زخمیوں کو علاج ومعالجہ کی خاطر فوری طورپر سب ضلع اسپتال چاڈورہ منتقل کیا گیا جہاں ابتدائی مرہم پٹی کے بعد دو کو بون اینٹ جوائنٹ اسپتال ریفر کیا گیا۔ پولیس نے اس سلسلے میں کیس درج کرکے مزید تحقیقات شروع کی ہے۔