لیفٹنٹ گورنرنے ضلع کمشنروںکو پیشگی اقدامات اُٹھانے کی ہدایت دی
کوودڈ 19جانچ عمل میں تیزی اور ٹسٹنگ عمل میں 30فیصدی آر ٹی پی سی آر کو اپنانے پر زور
کووڈ 19کی ایک اور ویرینٹ سامنے آنے کے بعد یوٹی انتظامیہ کی جانب سے پیشگی اقدامات اُٹھائے جارہے ہیں ۔ اس سلسلے میں لیفٹیننٹ گورنر منوج سنہا کی صدارت میں ایک میٹنگ بھی منعقد ہوئی ہے جس میں اس نئی ویرینٹ کے بارے میں تبادلہ خیال کیا گیا اور اس سے بچنے کےلئے احتیاطی تبدابیر اپنانے پر زور دیا گیا ۔ اس میٹنگ کا انعقاد یونین ہیلتھ منسٹری کی جانب سے نئے ویرینٹ B.1.1529سے متعلق انکشاف کرنے کے منعقد کی گئی۔کرتفصیلات کے مطابق عالمی وبائی بیماری کووڈ 19کی ایک اور نئی قسم ’میکرون ‘نمودار ہونے کے ساتھ ہی جہاں عالمی سطح پر اس سے نمٹنے کےلئے اقدامات اُٹھائے جارہے ہیںوہیں جموں کشمیر میں بھی اس سے منٹنے کےلئے تیاریاں شروع کی گئیں ہیں
اس سلسلے میںلیفٹیننٹ گورنر منو ج سنہا کی قیادت میں ایک اعلیٰ سطحی میٹنگ منعقد کی گئی ہے جس میں تمام اضلاع کی انتظامیہ سے کہا گیا ہے کہ وہ پیشگی اقدامات اُٹھائیں۔ذرائع سے معلوم ہوا ہے کہ جموں کشمیر میں کووڈ کے معاملات میں اضافہ کے ساتھ ہی جموں کشمیر کے لیفٹیننٹ گورنر منوج سنہا نے محکمہ صحت اور تمام اضلاع کے انتظامیہ کو ہدایت دی ہے کہ وہ جموں کشمیر میں کوودڈ 19جانچ عمل میں تیزی لائیں اور ٹسٹنگ عمل میں 30فیصدی آر ٹی پی سی آر کو اپنائیں۔ موصوف نے یہ ہدایت جموں کشمیر میں کووڈ کی صورتحال کی ایک جائزہ میٹنگ کے دوران دیں ۔کووڈ 19کی جائزہ میٹنگ میں تمام ضلع کمشنروں ، ایس پیز ، محکمہ صحت کے افسران نے شرکت کی ۔ اس موقعے پر انہوں نے ضلع کمشنروں کو ہدایت دی کہ وہ یوٹی میں کوراناوائرس کے مثبت معاملات کو پھیلنے سے روکنے کےلئے عملی اقدامات اُٹھائیں ۔ انہوںنے ہدایت دی کہ ریپڈ ٹیکہ کاری ، کووڈ مناسب طرز عمل ، کمونٹی جانکاری اور مائکرو کنٹونمنٹ زونوں میں تیزی لائیں ۔ انہوں نے کہا کہ ہم اس وباءکو پھیلنے سے تبھی روک سکتے ہیں جب ہم کووڈ کی گائیڈ لائنوں پر من و عن عمل کریں گے ۔ انہوںنے کہا کہ نشاندہی ، علاج اور احتیاط کامیاب تدابیر ہیں ۔ انہوںنے ضلع کمشنر کو ہدایت کی کہ وہ ٹی بی اور منشیات کی بدعت کے خاتمہ کےلئے عوامی جانکاری پروگراموں کا انعقاد کریں ۔ لیفٹیننٹ گورنر نے مزید کہا کہ جموں کشمیر میں سینکڑوں کنبے ہیں جنہیں منشیات سے نقصان پہنچا ہے اور جو اس سے کافی خوفزدہ ہے ۔ انہوں نے کہا کہ سرکار کی ذمہ داری ہے کہ اس بدعت کے خاتمہ کےلئے موثر اقدامات اُٹھائیں۔ یاد رہے کہ اس میٹنگ کا انعقاد یونین ہیلتھ منسٹری کی جانب سے نئے ویرینٹ B.1.1529سے متعلق انکشاف کرنے کے بعد منعقد کی گئی ۔ یہ کووڈ ویرینٹ ساوتھ افریقہ میں کچھ دن پہلے ہی پایا گیا ہے ۔ مرکزی صحت کے سکریٹری راجیش بھوشن نے تمام ریاستوں اور مرکز کے زیر انتظام علاقوں کو لکھے ایک خط میں لکھا ہے، "اس قسم میں بہت زیادہ تبدیلیوں کی اطلاع ہے، اور اس طرح، حال ہی میں نرمی کی گئی ویزا پابندیوں کے پیش نظر، ملک کے لیے صحت عامہ کے سنگین اثرات ہیں۔راجیش بھوشن نے تمام ریاستوں اور مرکز کے زیر انتظام علاقوں کے ایڈیشنل چیف سکریٹریوں، پرنسپل سکریٹریوں اور ہیلتھ سکریٹریوں کو بھی ہدایت دی کہ وہ اس بات کو یقینی بنائیں کہ نئے ورڑن کے لیے مثبت آنے والے مسافروں کے نمونے نامزد کردہ INSACOG جینوم سیکوینسنگ لیبز میں بھیجے جائیں۔یاد رہے کہ کووڈ کی نئی قسم میکرون نمودار ہوئی ہے جو کافی تیزی کےساتھ پھیل رہی ہے ۔ یہ ویرینٹ افریقہ، اسرائیل ، بلجیم اور دیگر ممالک میں پائی گئی ہے جس نے وہاں تباہی مچانی شروع کردی ہے ۔اس کے ساتھ ساتھ عالمی صحت تنظیم نے بھی اس نئی قسم کے وائرس کو کافی خطرناک قراردیتے ہوئے کہا ہے کہ نہ اس پر دوائی کا اثر ہوتا ہے اور ناہی ویکسین اس کو روک سکتی ہے ۔ تاہم امریکہ ماہرین طب نے کہا ہے کہ اس نئی ویرنٹ کےلئے وہ دس دنوں کے اندر اندر ویکسین تیار کریں گے۔ اس دوران ماہرین نے اس سے بچنے کےلئے فی الحال احتیاطی تدابیر پر سختی سے عمل کرنے کی صلاح دی ہے ۔
