اومیکرون کا خطرہ :مرکز نے ریاستوں اور زیر انتظام والے علاقوں کے نام جاری کی ایڈوائزری

ہاٹ سپارٹ قراردئے گئے علاقوں کی نگرانی بڑھائیں، بیرون ملک سے آنے والے افراد کی مناسب ٹسٹنگ کی جائے
اومائیکرون ویرینٹ کے پیشِ نظر مرکز کی ریاستوں کو ہدایت ’ٹیسٹنگ بڑھائیں اور ہاٹ اسپاٹ کی سخت نگرانی کریں‘تمام ریاستوں اور مرکز کے زیر انتظام علاقوں کو مرکزی حکومت نے ہدایت دی ہے کہ بیرون ملک سے آنے والے تمام مسافروں اور خطرناک زمرے والے ممالک سے آنے والے مسافروں کی ٹیسٹنگ مناسب طریقہ سے کی جائے۔اطلاعات کے مطابق مرکزی حکومت نے کورونا وائرس کے نئے ویرینٹ اومائیکرون کے خطرات کے درمیان تمام ریاستی حکومتوں کو ہدایت دی ہے کہ وہ ٹیسٹنگ میں اضافہ کریں اور ہاٹ اسپاٹ قرار دیئے گئے علاقوں کی سخت نگرانی کریں تاکہ وائرس کو پھیلنے کا موقع نہ مل سکے۔خیال رہے کہ اومائیکروں ویرینٹ کی شناخت جنوبی افریقہ میں کی گئی ہے اور اس کے بعد یہ وائرس کئی ممالک میں پھیل گیا ہے۔ جن ممالک میں کورونا کا یہ نیا ویرینٹ پہنچ گیا ہے ان ممالک کو ہندوستان نے جوکھم والے زمرے میں رکھا ہے اور وہاں سے ہندوستان آنے والے مسافروں سے اضافی اقدامات اٹھانے کو کہا گیا ہے۔وزارت صحت نے اتوار کے روز بیان جاری کرتے ہوئے کہا کہ ”یہ ضروری ہے کہ اس پر مو¿ثر طریقہ سے قابو پانے کے لئے سخت کنٹرول، فعال نگرانی، ٹیکہ کاری کی رفتار میں اضافہ اور کورونا پروٹول کو نافذ کرنا جیسے اقدامات اٹھائے جانے چاہئیں۔“تمام ریاستوں اور مرکز کے زیر انتظام علاقوں کو مرکزی حکومت کے تحریر کردہ مکتوب میں کہا گیا ہے کہ ”بیرون ملک سے آنے والے تمام مسافروں اور خطرناک زمرے والے ممالک سے آنے والے مسافروں کی ٹیسٹنگ مناسب طریقہ سے انجام دی جائے۔ پازیٹو پائے جانے پر سیمپل انساکوگ لیب میں بھیجا جائے۔ جن ریاستں میں ٹیسٹنگ کم کی جا رہی ہے، وہ ٹیسٹنگ میں اضافہ کریں۔ خیال رہے کہ کورونا کا نیا ویرینٹ پائے جانے کے بعد وزارت صحت نے دوسری مرتبہ ریاستیوں کے لئے ہدایت جاری کی ہیں۔