ٹی آر ایف کمانڈر سمیت چارجنگجو جاں بحق ، ایک ہنوز محصور،آپریشن جاری / آئی جی پی کشمیر
حیدر پورہ سرینگر کے بعد جنوبی ضلع کولگام کے پمبئی اور گوپال پورہ علاقوںمیں فوج و فورسز اور جنگجوﺅں کے مابین مسلح تصادم آرائیوں میں ٹی آر ایف کمانڈر سمیت چارجنگجو جاں بحق ہو گئے ۔ آئی جی پی کشمیر وجے کمار نے کمانڈر سمیت چارجنگجوﺅں کی ہلاکت کی تصدیق کرتے ہوئے بتایا کہ ٹی آر ایف کمانڈر آفاق سکندر فورسز کو انتہائی مطلوب تھا
۔انہوںنے کہا کہ علاقے میں ایک اور جنگجو محصور ہے اور آپریشن جار ی ہے ۔ کوگام کے پمبئی علاقے میں دو جنگجوﺅں کی موجودگی کی اطلاع ملنے کے بعد فوج ، سی آر پی ایف اور جموں کشمیر پولیس نے مشتر کہ طور پر بدھ کے بعد دوپہر علاقے کو محاصرے میں لیا اور تلاشی آپریشن شروع کر دیا ۔ ذرائع کے مطابق جونہی علاقے میں فوج و فورسز نے تلاشی آپریشن شروع کر دیا تو وہاں چھپے بیٹھے جنگجوﺅںنے فرار ہونے کی کوشش میں فورسز پر فائرنگ کی جس کے ساتھ ہی فورسز نے بھی مورچہ زن ہوکر جوابی کارروائی کی اور علاقے میں دو بدو جھڑپ شروع ہوئی ۔ فائرنگ کے ساتھ ہی علاقے میں جنگجوﺅں کے فرار ہونے کے تمام راستے سیل کر دئے گئے جبکہ محاصرے میں پھنسے جنگجوﺅں کو خود سپردگی کرنے کیلئے کہا گیا تاہم انہوں نے پیشکش ٹھکرا دی ۔ ذرائع کے مطابق اسی دوران محاصرے میں پھنسے دو جنگجوﺅں کے خلاف کارورائی عمل میںلائی گئی اور طرفین کے مابین گولیوں کا شدید تبادلہ شروع ہوا ۔ادھرعلاقے میں ابھی جھڑپ جاری تھی کہ گوپال پورہ علاقے میں جنگجوﺅں کی موجودگی کی اطلاع ملنے کے بعد سیکورٹی فورسز نے تلاشی آپریشن شروع کر دیا جس دوران وہاںجنگجوﺅں اور سیکورٹی فورسز کے مابین تصادم شروع ہو گیا ۔ معلوم ہوا ہے کہ دونوں علاقوں میں مسلح تصادم آرائیوںکے دوران چارجنگجو جاں بحق ہو گئے جن میںا یک ٹی آ ر ایف کمانڈر بھی تھا ۔ آئی جی پی کشمیر نے دونوں مسلح تصادم آرائیوںمیں 5 جنگجوﺅں کی ہلاکت کی تصدیق کرتے ہوئے بتایا کہ مہلوک جنگجوﺅں میں ایک ٹی آ ر ایف کمانڈر تھا جس کی شناخت آفاق سکندر کے بطور ہوئی ہے ۔ انہوں نے کہا کہ جھڑپو ں کے مقام سے تمام مہلوک جنگجوﺅں کی نعشیں بر آمد کر لی گئی ہے اور ان کی شناخت کرنے کیلئے کارورائی جاری ہے ۔ انہوںنے کہا کہ ابھی ایک او ر جنگجو محصور ہے جس کے خلاف آپریشن جاری ہے ۔
