کنگن میں دو گاڑیوں کے مابین بھیانک حادثہ

4سیاحوں سمیت چار افراد ہلاک، 17مسافر زخمی
سرینگر/ وسطی ضلع گاندربل کے گنڈ کنگن علاقے میں اتوار کی صبح مسافر بردار گاڑی اور ٹوریسٹ گاڑی کے مابین زور دارٹکر ہوئی جس کے نتیجے میں تین سیاحوں سمیت چار افرادہلاک جبکہ 17دیگر زخمی ہوئے ہیں۔ معلوم ہوا ہے کہ حادثہ اس قدر بھیانک تھا کہ ٹوریسٹ گاڑی تباہ ہو کر رہ گئی۔ یو پی آئی کے مطابق اتوار کی صبح گنڈ کنگن علاقے میں اس وقت سنسنی کا ماحول پھیل گیا جب ایک مسافر بردار گاڑی اور ٹوریسٹ گاڑی کے درمیان زور دار ٹکر ہوئی جس کے نتیجے میںتین سیاحوں سمیت 21افراد خون میں لت پت ہوئے۔ معلوم ہوا ہے کہ آس پاس موجود لوگوں اور پولیس نے زخمیوں کو طبی امداد کی خاطر نزدیکی ہسپتال منتقل کیا جہاں ڈاکٹروں نے تین سیاحوں سمیت چار افراد کو مردہ قرار دیا۔ متوفین کی شناخت لیشائی آشش پری، نکی آشش پری، ، ہیتل آشیش پری ساکنان مہاراشٹریہ اور فہیم احمد بڈیاری ولد نذیر احمد ساکن سوئی ٹینگ سری نگر کے بطور کی گئی ہے۔دریں اثنا ٹروما ہسپتال کی سپر انٹنڈنٹ نے نامہ نگاروں سے بات چیت کے دوران کہاکہ چار افراد کو مردہ حالت میں یہاں لایا گیا جبکہ باقی 17زخمیوں میں سے دس کو مزید علاج ومعالجہ کی خاطر صورہ میڈیکل انسٹی چیوٹ اور بون اینڈ جوائنٹ ہسپتال منتقل کیا گیا۔ انہوں نے کہاکہ زخمیوں کی حالت مستحکم ہے۔ ادھر پولیس نے حادثے کی وجوہات جاننے کی خاطر کیس درج کرکے تحقیقات شروع کی ہے۔